Ayṯ-Filippas 4:17 - Ṯarifiṯ 2020

¹⁷ Walakin nec war rezzuɣ ca aḏayi ṯucem ca n ȓḥajeṯ, nec rezzuɣ min ɣa yarnin ḏi lʼajar nwem ak Arebbi.

Ayṯ-Filippas 4:17 ပူးပေါင်းရင်းမြစ်များ

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:8

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

Ayṯ-Ruma 15:28

Iḏen xmi ɣa kemmȓeɣ ccɣeȓ-a aḏasen ssiwḍeɣ marra lmuƹawana-ya, axawem d kkeɣ xmi ɣa raḥeɣ ɣar Spanya.

2 Ayṯ-Kurinṯ 11:16

Aḏ iniɣ ƹaweḏ, war ḏayi ḥessbeṯ ca ḏ abuhaȓi. Waxxa ṯḥesbem-ayi ḏ abuhaȓi, qebbȓem-ayi bac aḏ ftaxareɣ cwayt.

2 Ayṯ-Kurinṯ 9:5

S manaya ufiɣ u labud aḏ cejjƹeɣ ayṯmaṯneɣ yina iy ḏayi d izwaren ɣarwem zic bac aḏ ƹeḏȓen marra x ṣṣaḏaqa-ya ṯameqqrant iy zi ḏayi ṯƹahḏem zi qbeȓ. Ammu aḏ tiȓi ṣṣaḏaqa-ya mujuda s wuȓawen nwem maci s bessif.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Filippas 4:11

Awaȓ-a inu war iqqar ca rezzuɣ can ȓḥajeṯ; Lla, nec ȓemḏeɣ aḏ qenƹeɣ mammec ma ǧant ḍḍuruf inu.

1 Ayṯ-Salunik 2:5

Cuf, qa ṯessnem ƹemmarṣ ma nseȓha ḥadd s wawaȓen niɣ ƹemmarṣ ma neḍmeƹ ḥadd ƹlaḥsab ca n ssabab. Icehheḏ xaneɣ Arebbi!

1 Timutawus 3:3

Itxeṣṣa war itegg ca lmadla n ssekra, war icciṯ ca aḏ yiȓi trankiȓ. Itxeṣṣa war itmenɣi ca s wawaȓ, war iḍemmeƹ ca ḏi tmenyaṯ.

1 Timutawus 6:10

Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

Titus 1:7

Aqa arrayes n jmaƹeṯ itkellaf netta s lmesʼuliya zi Arebbi u labud aḏ yiȓi bȓa ȓƹib, war ḏayes itiȓi bu ttakebbur, war itƹeṣṣib ca ḏeɣya, war isekkar ca s ccreb, war icciṯ ca, war iḍemmeƹ ca ḏi tmenyaṯ.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Buṭrus 5:2

Arewseṯ ṯḥimerṯ nni n Arebbi iy xef kenniw itkellaf netta. Ḥḍam-teṯ s ȓxaḍar nwem maci s yijjen n bezzez iy xawem teggen minzi ammu iy ixes Arebbi. Maci s ṭṭmaƹ n ȓefḍiḥeṯ, lla s wuȓawen nwem.

2 Buṭrus 2:15

Ffɣen abriḏ nican weddaren, ṭṭfen abriḏ n nnabi Balƹam mmis n Biƹur netta tuɣa iteƹjib-as txaȓus n ccarr.

2 Buṭrus 2:3

Ƹlaḥsab aƹeddis nsen aḏawem ccen ȓmux s wawaȓen iy tsayasen waha. Mecḥaȓ zeg wami lƹiqab nsen ƹaḏ itrajan-ṯen war iteṭṭeṣ ca.

Yahuḏa 1:11

Ya ȓefḍiḥeṯ nsen! Tebƹen abriḏ nni n Qabil. Semḥen ḏeg yixef nsen ḍemƹen ḏi tmenyaṯ gguren ḏi lɣaleṭ n Balƹam. Fnan ḏi lḥirak nni n Quraḥ wami iƹarreḍ i Musa.