Ayṯ-Filippas 3:9 - Ṯarifiṯ 2020

⁹ Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

Ayṯ-Filippas 3:9 ပူးပေါင်းရင်းမြစ်များ

Matta 9:13

Ruḥem rzum x ȓmaƹna n lʼaya iy iqqaren: Xseɣ aḏ treḥmem iwḏan, war xseɣ bu aḏ tɣarṣem i ȓebhayem." Inna-asen: "War d usiɣ ca aḏ ȓaɣiɣ i yinni iǧan nican, usiɣ-d aḏ ȓaɣiɣ i yinni iƹeṣṣan!"

Ayṯ-Ruma 1:17

Arebbi isbeyyen-aneɣ-d ḏi Lʼinjil mammec ɣa nemṣȓaḥ akiḏes, manaya s lʼiman waḥḏes. Mammec iqqar Lkitab:

Ayṯ-Ruma 10:10

Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

Ayṯ-Ruma 16:7

Siwḍem-asen sȓam i Andruni ḏ Yunyas ȓeḥbab inu, yinni tuɣa akiḏi ḏi ȓeḥbes. Niṯni maƹrufin jar arrusul, umnen zi Lmasiḥ qbeȓ ma aḏ amneɣ nec.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

2 Ayṯ-Kurinṯ 5:17

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Filippas 3:6

Ƹlaḥsab zƹameṯ inu nec tuɣa tƹeddabeɣ jmaƹeṯ n ȓmuminin n Lmasiḥ. Ƹlaḥsab lqawanin iy iǧan ḏi ccariƹa tuɣayi s bȓa ȓƹib.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Titus 3:5

ȓexddenni isenjem-aneɣ maci ƹlaḥsab lḥasanaṯ nni iy negga; Lla, tuɣa ƹlaḥsab arraḥmeṯ nnes netta. Issireḏ-aneɣ s waman n uxȓaq ḏ jḏiḏ, yarra-aneɣ ḏ jḏiḏ s ufus n Arruḥ iqeddsen.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Yaƹqub 3:2

Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

1 Yuḥanna 3:4

Marra wenni iqqimen iƹeṣṣa netta itrezza ȓuṣiyaṯ. Wah, ȓmuƹṣiyeṯ nettaṯ ḏ ṯarezziṯ n ȓuṣiyaṯ.