Ayṯ-Filippas 3:6 - Ṯarifiṯ 2020

⁶ Ƹlaḥsab zƹameṯ inu nec tuɣa tƹeddabeɣ jmaƹeṯ n ȓmuminin n Lmasiḥ. Ƹlaḥsab lqawanin iy iǧan ḏi ccariƹa tuɣayi s bȓa ȓƹib.

Ayṯ-Filippas 3:6 ပူးပေါင်းရင်းမြစ်များ

Matta 23:25

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw ṯsiriḏem mliḥ ȓkas ḏ ṭebṣi ɣar barra, walakin ɣar ḏaxeȓ aqa ccuren s ṯukkarḏa ḏ ṭṭmaƹ!

Matta 5:20

Aqa qqareɣ-awem: Meȓa war ṯṭiƹim ca i min iqqar Arebbi ktar zi min teggen imseȓmaḏen n ccariƹa ḏ ȓḥizeb n ifarrisiyen, ataf ƹemmarṣ aḏ taḏfem ȓmulk ujenna.

Luqa 1:6

Zakariya ḏ Ilizabet niṯni gguren nican ak Arebbi, uȓ nsen ḏ acemȓaȓ. Teggen marra min yumar ḏ marra min iweṣṣa Siḏi Arebbi.

Ȓexḏayem 21:20

Wami sȓin i manayenni, ḥemḏen Arebbi nnan-as i Bulus: "Cuf ay umaṯneɣ mecḥaȓ n uȓufaṯ n israʼiliyen iy yumnen! Marra iḏsen rezzun aḏ ggen lwajib ƹlaḥsab ccariƹa nneɣ.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 26:5

Niṯni ssnen-ayi aṭṭas zeg wami. Meȓa xsen axafi cehḏen nec ƹiceɣ ḏ afarrisi, ȓḥizeb nni iqesḥen aṭṭas ḏi ddin nneɣ.

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ayṯ-Ruma 7:9

Nec qbeȓ ma aḏ ssneɣ ccariƹa, tuɣayi ddareɣ. Walakin wami d ṯusa ȓuṣiyeṯ n Arebbi, ȓmuƹṣiyeṯ axmi ṯekkar-d zi ȓmewṯ uca nec axmi mmuṯeɣ.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 15:9

Aqa nec ḏ amezyan qaƹ ḏi arrusul. War sḏihiǧeɣ ca aḏayi ȓaɣan arrasul ȓaḥeqqac tuɣa nec tƹeddabeɣ jmaƹeṯ n ȓmuminin.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

Ayṯ-Filippas 3:9

Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.