Ayṯ-Filippas 3:2 - Ṯarifiṯ 2020

² Ḥḍam ixef nwem zeg iqzinen nni, iƹni iryazen nni iteggen ccarr itḥejjamen i bnaḏem.

Ayṯ-Filippas 3:2 ပူးပေါင်းရင်းမြစ်များ

Matta 24:10

Aṭṭas iy ɣa ikfaren zeg yinni iy yumnen. Aḏ zzenzen ayawya, aḏ ƹiffen ayawya.

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Matta 7:6

War ticceṯ ca min iqeddsen n Arebbi i iqzinen ḥima war ɣarwem d teƹqiben akenniw mezzqen. War neṭṭareṯ ca jjuwhar nwem zzaṯ i yiȓfan ḥima war xasen ƹeffsen ca.

Ayṯ-Ruma 2:28

Liʼanna wenni iǧan ḏ aʼisraʼili ḏ ṣṣaḥ, war iǧi am wenni d itbanen am israʼiliyen ḏi ddat waha. Ƹaweḏ ṭṭahareṯ n ṣṣaḥ war ṯeǧi ca ḏ ṯenni d itbanen ɣar barra waha x ddat.

2 Ayṯ-Kurinṯ 11:13

Cuf, iryazen am yina tarran ixef nsen ḏ arrusul xeddmen ḏ iɣeddaren, sneƹmiȓen ḏ arrusul n Lmasiḥ.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

1 Timutawus 1:19

ataf aɣarec yiȓi lʼiman nnec ḏ yijjen ḍḍamir ḏ aṣebḥan. Maci am ȓebƹaḍiṯ semḥen ḏi manaya uca lʼiman nsen iɣareq am yij uɣarrabu ḏi ȓebḥar.

Titus 1:16

Qqaren qa nessen Arebbi walakin nekkaren-ṯ s ȓefƹayeȓ nsen. Niṯni twaƹiffen, war tṭiƹin ca, war neffƹen ca uȓa ḏeg yijjen n ȓxeḏmeṯ ḏ ṯaṣebḥant.

2 Buṭrus 2:22

Iwqeƹ ḏ ṣṣaḥ min iqqar lmiṯal: niɣ <Ṯiȓefṯ iƹummen ḏeg waman ṯeḏweȓ-d aḏ teḥnunneḍ ḏeg urwiḍ.>

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.

Lwaḥi 3:9

Amma yinni zi jmaƹṯ iy iƹebbḏen Cciṭan ḥessben ixef nsen zi Ayṯ-Israʼil, walakin niṯni war ǧin ca zi Ayṯ-Israʼil sxerriqen waha. Aṯen d arreɣ s bezzez aḏ d asen aḏ sejjḏen ɣar iḍaren nnec aḏ ssnen nec tḥibbiɣ-cek.