Ayṯ-Filippas 3:15 - Ṯarifiṯ 2020

¹⁵ Falihaḏa marra neccin ig itemɣuren ḏi lʼiman itxeṣṣa a nfekkar amenni. Meȓa kenniw war ṯfekkarem ca amenni ḏ Arebbi iy kenniw ɣa isfehmen.

Ayṯ-Filippas 3:15 ပူးပေါင်းရင်းမြစ်များ

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

Luqa 11:13

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar, iƹni iticc Arruḥ iqeddsen i yinni ḏas ṯ itettaren."

Yuḥanna 6:45

Ammu iy yura ijjen zi lʼanbiya: Marra uw iy s isȓin i Baba aḏ iȓmeḏ zzayes ataf aɣari d yas.

Yuḥanna 7:17

Wenni ixsen aḏ igg zi min ixes Arebbi ataf aḏ issen aseȓmeḏ-a inu ma zzayi niɣ zi Arebbi.

Ayṯ-Ruma 15:1

Fa neccin ig ijehḏen itxeṣṣa-yaneɣ a narbu ḍḍuƹef n yinni war ijhiḏen ca, maci a negg min ḏaneɣ iteƹjiben i yixef nneɣ u ṣafi.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

1 Ayṯ-Kurinṯ 2:6

Innama, neccin nessawaḍ ijjen n wawaȓ n ȓefhameṯ ɣar yinni war iqqimen ca ḏ imezyanen ḏi lʼiman nsen. Walakin ȓefhameṯ-a war d tis ca zi ȓweqṯ-a niɣ zi lḥukkam n ȓweqṯ-a ig igguren aḏ fnan.

Ayṯ-Galaṭya 5:10

Nec ɣari ttiqeṯ ḏi Arebbi war ṯqebbȓem bu can n array nneɣni. Walakin wenni iy kenniw isxerwaḍen, min ma iƹna netta aṯ iḥaseb s lƹiqab nnes.

Ayṯ-Ufasus 1:17

Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

1 Ayṯ-Salunik 4:9

Ȓexxu ƹlaḥsab ȓemḥibbeṯ jarawem war nteḥḏiji ca ƹaḏ aḏawem nari, mayemmi? Minzi iseȓmeḏ-ikenniw Arebbi s yixef nnes aḏ texsem ayawya.

2 Timutawus 3:17

Ḥima aryaz n Arebbi aḏ yiȓi iwjeḏ aḏ yaf iḏebbar-as s qaƹ ṯimesȓayin ƹlaḥsab kuȓ ȓxeḏmeṯ ḏ ṯaṣebḥant.

Iƹibraniyen 5:14

Walakin lmakla n ṣṣaḥ tetten-teṯ ɣir yinni war iǧin ca ḏ iseyman. Niṯni zemmaren i lmakla nni n ṣṣaḥ minzi ȓebda xeddmen i ṯɣuri nni iy qqaren tmeyyazen jar min iǧan ḏ aṣebḥan ḏ jar min iǧan ḏ aƹeffan.

1 Yuḥanna 2:5

Walakin wenni ig itṭaƹan i wawaȓ nnes, aqa wanita ḏ ṣṣaḥ ṯejjiwen zzayes ȓemḥibbeṯ n Arebbi. Mammec ɣa negg neccin a nessen illa nzeddeɣ ḏayes?