Ayṯ-Filippas 3:13 - Ṯarifiṯ 2020

¹³ Ay ayṯma, war ḥessbeɣ ca ṣafi ṭṭfeɣ qaƹ ṯimesȓayin nni. Walakin ḏinni ijjen n ṯmesȓayṯ teggeɣ-t: Tettuɣ min iteƹqaben ɣar ḏeffar, teggeɣ lmejhud inu ɣar min d igguren ɣar zzaṯ.

Ayṯ-Filippas 3:13 ပူးပေါင်းရင်းမြစ်များ

Luqa 9:62

Inna-as Ƹisa: "Wenni isersen fus nnes x usɣar ƹaḏ ixezzar ɣar ḏeffar ataf war iṣeǧeḥ ca aḏ ixḏem ḏi ȓmulk n Arebbi."

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Ayṯ-Filippas 2:12

Iḏen ay imƹizzen inu, mamc tuɣa ṯetṭaƹam ȓebda zi qbeȓ wami tuɣayi akiḏwem, amenni ƹaweḏ iy ɣa ḏayi ṯṭaƹem wami xawem ɣabeɣ. Iƹni aḏ teqqimem teggem lmejhud bac aḏ tkemmȓem mliḥ ḏeg usenjem nwem s yijjen n ṯiggwḏi ḏ yijjen n tarjiji.

Ayṯ-Filippas 3:12

War iǧi ca ṣafi ṭṭfeɣ marra ṯimesȓayin nni niɣ ṣafi war ḏayi bu ca n ȓƹib; Lla, nec ƹaḏ tḥawaȓeɣ aḏ ṭṭfeɣ ṯimesȓayin nni iy zi ḏayi iṭṭef Ƹisa Lmasiḥ.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Iƹibraniyen 6:1

X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,

2 Buṭrus 3:8

Ay imƹizzen inu, war tettuṯ ca ṯamesȓayṯ-a: Siḏiṯneɣ iḥesseb ijjen n nhar am waȓaf n iseggwusa, iḥesseb aȓaf n iseggwusa am yijjen n nhar.