Ayṯ-Filippas 3:10 - Ṯarifiṯ 2020

¹⁰ Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

Ayṯ-Filippas 3:10 ပူးပေါင်းရင်းမြစ်များ

Matta 20:23

Inna-asen: "Wah, ataf aḏ teswem zi ȓkas inu. Walakin aɣimi x ufusi inu ḏ uẓeȓmaḍ inu war iǧi bu ḏ nec iy ṯ ɣa yucen, aḏ immuc i yinni umi ṯen isewjeḏ Baba."

Yuḥanna 10:18

Uȓa ḏ ijjen war zzayi t itekkes ca; Lla, nec tṣeddaqeɣ ṯuḏarṯ inu s ȓxaḍar inu. Ɣari jjheḏ ḥima at ṣeddqeɣ. Ɣari jjheḏ ḥima atid arreɣ ƹaweḏ. Ammu iy ḏayi iweṣṣa Baba."

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

Ayṯ-Ruma 8:36

Mammec iqqar Lkitab:

2 Ayṯ-Kurinṯ 1:10

Isenjem-aneɣ-d zeg yijjen n ȓmewṯ ḏ ṯaƹeffant u netta ƹaḏ aqa isenjam-aneɣ. Ntegg ḏayes lʼamal nneɣ belli ƹaḏ aḏaneɣ isenjem wami kenniw ḏaneɣ tƹawanem s ṯẓaǧiṯ nwem. Ṯumma aṭṭas n yiwḏan aḏ sgaƹƹḏen ṣṣut nsen ɣar Arebbi aṯ cekkaren x lbaraka nni iy ḏaneɣ ɣa yuc xmi iy ɣa ṯestajeb aṭṭas n ṯẓaǧiṯ nsen xaneɣ.

2 Ayṯ-Kurinṯ 1:5

Liʼanna mammec aƹeddeb n Lmasiḥ itenfeyyaḍ-d itaḏaf ḏi ṯuḏarṯ nneɣ amenni ƹaweḏ s Lmasiḥ itenfeyyaḍ-d umƹawan nneɣ.

2 Ayṯ-Kurinṯ 13:4

Wah, netta itwaṣelleb x ṣṣalib s ḍḍuƹef, wa innama iteddar s jjheḏ n Arebbi. Amenni uȓa ḏ neccin. Neḍƹef am ḍḍuƹef nnes netta, wa innama jarawem nteddar akiḏes netta s jjheḏ n Arebbi.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 6:17

Ssa aȓ ṯsawent itxeṣṣa war ḏayi itegg ḥadd tamara ȓaḥeqqac ddat inu ḏayes lʼaṯar n Ƹisa.

Ayṯ-Ufasus 4:13

Aȓ ɣa niȓi marra ḏ ijjen ḏi lʼiman u ḏi ṯusna x Mmis n Arebbi. Aȓ ɣa niȓi marra ƹaweḏ nemɣar iƹni ḏ iryazen am ȓaƹbar nni ikmaȓ n ȓqedd n Lmasiḥ.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

Ayṯ-Kulus 2:13

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.

Ayṯ-Kulus 3:1

Iḏen fa wami twasnekkarem kenniw ak Lmasiḥ u labud aḏ terzum s wuȓawen nwem ṯimesȓayin nni iǧan ḏeg ujenna mani iqqim Lmasiḥ ɣar ufusi n Arebbi.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

2 Buṭrus 1:13

Nec meȓa ƹaḏ qqimeɣ ddareɣ ḏi ddat inu, tḥessabeɣ-ṯ ḏ lwajib akenniw sfekkareɣ x manaya.

1 Yuḥanna 2:3

Mammec ɣa negg neccin a nefhem belli nessen-iṯ? Qa ṯ nessen meȓa netṭaƹa-asent i ȓuṣiyaṯ nnes.

1 Yuḥanna 2:5

Walakin wenni ig itṭaƹan i wawaȓ nnes, aqa wanita ḏ ṣṣaḥ ṯejjiwen zzayes ȓemḥibbeṯ n Arebbi. Mammec ɣa negg neccin a nessen illa nzeddeɣ ḏayes?

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.