Ayṯ-Filippas 2:3 - Ṯarifiṯ 2020

³ War teggem walu zi lʼananiya niɣ zi ttakebbur. Bȓa ttakebbur weqqarem inneɣni ḥsen zeg yixef nwem.

Ayṯ-Filippas 2:3 ပူးပေါင်းရင်းမြစ်များ

Luqa 18:14

Aḏawem iniɣ: Wenni ijemmƹen ḍḍariba iḏweȓ ɣar ṯeddarṯ nnes mliḥ imeṣȓaḥ ak Arebbi, afarrisi nni lla. Minzi wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Ayṯ-Ruma 12:10

Xseṯ ayawya am ṯawmat. Weqqareṯ ayawya ktar zi jjheḏ.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ruma 2:8

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

1 Ayṯ-Kurinṯ 15:9

Aqa nec ḏ amezyan qaƹ ḏi arrusul. War sḏihiǧeɣ ca aḏayi ȓaɣan arrasul ȓaḥeqqac tuɣa nec tƹeddabeɣ jmaƹeṯ n ȓmuminin.

1 Ayṯ-Kurinṯ 3:3

kenniw ƹaḏ teggem array i ṭṭabiƹa ṯaƹeffant nwem. Meȓa itiȓi ȓeḥseḏ jarawem ḏ umenɣi, ataf teggem array i ṭṭabiƹa ṯaƹeffant nwem ataf tƹicem am yiwḏan n ddunect-a waha, niɣ lla?

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

Ayṯ-Galaṭya 5:26

War nsemɣar ca ixef nneɣ s ttakebbur, war ḏayneɣ itiȓi ca ȓeḥseḏ ḏ ṯɣennant jaraneɣ.

Ayṯ-Ufasus 4:2

Iȓim bȓa ttakebbur qaƹ. Iȓim s yijjen n ttawaḍuƹ. Ṣbarem ak wayawya s ttasiƹ n ȓxaḍar ḏ ȓemḥibbeṯ.

Ayṯ-Ufasus 5:21

Ṯaƹem i wayawya ƹlaḥsab ȓuweqqar nwem i Lmasiḥ.

Ayṯ-Filippas 2:14

Ggeṯ marra ṯimesȓayin bȓa ma aḏ tceṯcam bȓa ma aḏ tmenɣem.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

Ayṯ-Kulus 3:8

Walakin ȓexxu ṯimesȓayin nni itxeṣṣa axawem ṯent ṯesbeƹƹḏem qaƹ iƹni aƹeṣṣab ḏ uɣḍab ḏ ccarr ḏ ȓbaṭeȓ ḏ wawaȓen iƹeffanen iy ṯeqqarem s uqemmum nwem.

1 Timutawus 6:4

ataf netta yuff s ttakebbur war ifehhem walu qaƹ. Ihȓec irezzu ɣir amxarwaḍ ḏ umnaqar x wawaȓen iy zi d itas ȓeḥseḏ ḏ umenɣi ḏ ȓbaṭeȓ ḏ lʼafkar ḏ ṯiƹeffanin.

1 Buṭrus 3:8

Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.

1 Buṭrus 5:5

Ay iḥenjiren, kenniw ṭaƹeṯ ƹaweḏ i yinni iǧan ḏ imeqqranen. Swejḏeṯ ixef nwem marra kenniw s yijjen n array ak wayawya war ḏayes bu ttakebbur minzi