Ayṯ-Filippas 2:14 - Ṯarifiṯ 2020

¹⁴ Ggeṯ marra ṯimesȓayin bȓa ma aḏ tceṯcam bȓa ma aḏ tmenɣem.

Ayṯ-Filippas 2:14 ပူးပေါင်းရင်းမြစ်များ

Matta 20:11

Wami ḏasen yuca dinar, mxeyyaqen ak bab n umarjeƹ.

Marqus 14:5

Ataf aman nni iȓi menzen s yijjen n ttaman ḏ ameqqran ktar zi ṯeȓtmiyya n ṯpeyyasin n nnuqarṯ aḏ mmucent i imesƹan!" Qqimen niṯni nehhan-t aṭṭas.

Marqus 9:14

Ƹisa ḏ yinni akiḏes dewȓen-d ɣar imeḥḍaren ufin ḏinni ȓɣaci ḏ ameqqran munen-d xasen. Ufin ƹaweḏ can imseȓmaḏen n ccariƹa tmenɣan ak imeḥḍaren nni.

Luqa 5:30

Ceṯcan zzayes ȓḥizeb n ifarrisiyen ḏ imseȓmaḏen n ccariƹa nnan-asen i imeḥḍaren nnes: "Mayemmi tettem ṯsessem ak iƹeccaren ḏ yinni iƹeṣṣan?"

Ȓexḏayem 15:2

Iruḥ Bulus ḏ Barnaba temnaqaren ak yinni iy d yusin zi Yahuḏiya, iwqeƹ jarasen ijjen n lxilaf ḏ ameqqran. Kkaren jmaƹeṯ nni n ȓmuminin ḏeg Wanṭakya ixḍaren Bulus ḏ Barnaba bac aṯen ssekken ak ȓebƹaḍ n ȓmuminin nsen ɣar ṯendint n Lquds bac aḏ sseqsan arrusul ḏ imeqqranen n jmaƹeṯ n ȓmuminin x lxilaf-a ig iweqƹen. Wami ssekken Bulus ḏ Barnaba ɣar Lquds x ubriḏ nsen ƹḏun x Finiqya ḏ Samarya. Xebbaren ayṯmaṯneɣ iǧan ḏinni x mammec ig umnen uȓa ḏ yinni war iǧin ca zi Ayṯ-Israʼil. Ȓexbar nni isfareḥ-iṯen aṭṭas marra.

Ȓexḏayem 15:39

War tafqen qaƹ ḏi ṯmesȓayṯ-a, kuȓ ijjen manis ikka. Barnaba isafar ak Marqus ḏeg uɣarrabu ɣar Qubruṣ.

Ȓexḏayem 15:7

Wami mnaqacen aṭṭas, ikkar Buṭrus ibedd inna-asen: "Ay ayṯma, aqa kenniw ṯessnem mecḥaȓ zeg wami iy ḏayi ixḍar Arebbi zzaywem bac yinni war iǧin ca zi Ayṯ-Israʼil aḏ sȓen zeg uqemmum inu awaȓ n Lʼinjil aḏ amnen.

Ȓexḏayem 6:1

Ḏeg wussan nni lƹadad n imeḥḍaren imarni. Ȓmuminin iy ssawaȓen s lluɣa ṯayunaniṯ tceṯcan zeg yinni issawaȓen lƹibriya, qqaren qa neccin ṯajjaȓin nneɣ war ḏasent ticcen bu ȓḥaqq nsent xmi ferrqen lmuƹawana mkuȓ nhar.

Ayṯ-Ruma 12:18

Ƹlaḥsab kenniw, meȓa mumken ggeṯ aḏ tiȓim ḏi ȓehna ak yiwḏan marra.

Ayṯ-Ruma 14:1

Fa wenni umi iḍƹef lʼiman nnes qebȓem-ṯ jarawem bȓa ma akiḏes ṯmenɣem x lʼafkar nnes.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

1 Ayṯ-Kurinṯ 10:10

Itxeṣṣa war netceṯca ca mammec ggin ȓebƹaḍ zzaysen wami xasen iqḍa Ƹazȓayen.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

Ayṯ-Galaṭya 5:26

War nsemɣar ca ixef nneɣ s ttakebbur, war ḏayneɣ itiȓi ca ȓeḥseḏ ḏ ṯɣennant jaraneɣ.

Ayṯ-Filippas 2:3

War teggem walu zi lʼananiya niɣ zi ttakebbur. Bȓa ttakebbur weqqarem inneɣni ḥsen zeg yixef nwem.

1 Ayṯ-Salunik 5:13

Ucem-asen ijjen n lqima ṯemɣar s ȓemḥibbeṯ nwem ƹlaḥsab ȓxeḏmeṯ nsen. Iȓim ƹaweḏ ḏi ȓehna ak wayawya.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

Yaƹqub 1:20

Minzi aƹeṣṣeb n bnaḏem war d isiwwiḍ ca min iǧan ḏ ȓḥaqq ɣar Arebbi.

Yaƹqub 3:14

Walakin meȓa ḏaywem ȓeḥseḏ ḏ aƹeffan ḏ lʼananiya, war teftaxareṯ ca s yixef nwem. Iƹni itxeṣṣa-yawem kenniw war ṯesxarriqem ca x lḥaqiqa.

Yaƹqub 5:9

Ay ayṯma, war ssawaȓeṯ ca ḏeg wayawya ḥima war twaƹiqibem ca; qa wenni iteḥkamen ibedd-d ɣar ṯewwarṯ.

1 Buṭrus 3:11

Itxeṣṣa aḏ iggwej x ccarr aḏ igg ȓxir, aḏ irzu x ssalam aṯ iḏfar.

1 Buṭrus 4:9

Labud aḏ treḥḥbem zeg wayawya am inewjiwen bȓa ma aḏ tceṯcam.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.