Ayṯ-Filippas 2:13 - Ṯarifiṯ 2020

¹³ Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Ayṯ-Filippas 2:13 ပူးပေါင်းရင်းမြစ်များ

Luqa 12:32

War teggwḏem ca a ṯḥimerṯ inu ṯamezyant, irḍa Babaṯwem aḏawem yuc ȓmulk nnes.

Luqa 2:14

"Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Yuḥanna 6:45

Ammu iy yura ijjen zi lʼanbiya: Marra uw iy s isȓin i Baba aḏ iȓmeḏ zzayes ataf aɣari d yas.

Yuḥanna 6:65

Inna-asen: "S manaya nniɣ-awem: War izemmar uȓa ḏ ijjen aḏ d yas ɣari illa meȓa s lʼiden n Baba."

Ȓexḏayem 11:21

Siḏi Arebbi aqaṯ akiḏsen, aṭṭas n yiwḏan umnen ḏewȓen-d ɣar Siḏiṯneɣ.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

Ayṯ-Ruma 9:11

Ṯumma ikkar Arebbi inna-as i Rafiqa qa ameqqran aḏ yiȓi ḏ axeddam ɣar umezyan. Iȓaɣa-yas-d Arebbi i netta waha, niṯni war ggin walu. Tuɣa ƹaḏ war d xȓiqen ca ƹaḏ war ggin ȓxir war ggin ccarr, walakin Siḏi Arebbi ixḍar ijjen zzaysen ismeḍhar-d ȓxaḍar nnes iy ɣa yiȓin.

Ayṯ-Ruma 9:16

Manaya war iǧi ca zi ȓxeḏmeṯ n bnaḏem niɣ zi min itexs, manaya aqaṯ zi Arebbi wenni ireḥḥmen.

1 Ayṯ-Kurinṯ 12:6

Ḏinni lʼanwaƹ n ȓexḏayem, walakin Arebbi ḏ ijjen ḏ netta iy ṯent isxeddamen marra ḏi kuȓ bnaḏem.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

2 Ayṯ-Kurinṯ 3:5

Iƹni marra manaya war ḏas nzemmar ca neccin s yixef nneɣ. War netḥessib ca belli ṯizemmar-a tasent-id zzayneɣ; Lla, tasent-id zi Arebbi.

Ayṯ-Ufasus 1:11

Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

Ayṯ-Ufasus 1:5

S ȓemḥibbeṯ nnes izemmem-aneɣ bac aḏaneɣ itbenna am ṯarwa nnes s Ƹisa Lmasiḥ ƹlaḥsab lɣaraḍ n ȓxaḍar nnes.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

2 Ayṯ-Salunik 1:11

X manaya ntettar i Arebbi xawem ȓebda bac akenniw yarr ṯesḏahǧem aȓaɣi nnes. U s jjheḏ nnes aḏawem yarew marra ȓxir iy ṯexsem aḏ teggem, aḏawem yarew kuȓ ȓxeḏmeṯ ƹaweḏ iy d tasen zi lʼiman nwem.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.