Ayṯ-Filippas 1:7 - Ṯarifiṯ 2020

⁷ Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

Ayṯ-Filippas 1:7 ပူးပေါင်းရင်းမြစ်များ

Ȓexḏayem 20:23

Innama, ḏi mkuȓ ṯendint iƹeǧem-ayi-d Arruḥ iqeddsen qa itraja-ayi ȓeḥbes ḏ tamara.

Ȓexḏayem 21:33

Iqarreb arrayes nni ɣar Bulus iṭṭef-iṯ, yumar aṯ qqnen s ṯnayen n snaseȓ. Isseqsa xas inna-asen: Wanita min iƹna ḏ min igga?

1 Ayṯ-Kurinṯ 13:7

War ṯfeṭṭaḥ ƹemmarṣ. Tamen cḥaȓ ma ṯekka. Ṯṣebbar x min ma iǧan. S lʼamal ȓebda tmenna.

1 Ayṯ-Kurinṯ 9:23

Nec teggeɣ marra manaya ƹlaḥsab Lʼinjil ḥima aḏ carceɣ ḏi lbarakaṯ nnes.

2 Ayṯ-Kurinṯ 3:2

Lla, kenniw s yixef nwem ḏ ṯabrat nneɣ iƹni ṯcehhḏem xaneɣ. Ṯabrat-a ṯura g wuȓawen nneɣ, ssnen-teṯ qqaren-teṯ marra iwḏan.

2 Ayṯ-Kurinṯ 7:3

War qqareɣ ca manaya bac akenniw ƹeyybeɣ lla. Ȓaḥeqqac nniɣ-awem qbeȓ qa kenniw ḏeg wuȓawen nneɣ, a nemmeṯ niɣ a neddar akiḏwem.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 3:1

X manaya terkaƹeɣ x ifadden inu, nec Bulus iy iǧan ḏ ameḥbus ƹlaḥsab Ƹisa Lmasiḥ u xawem kenniw iy war iǧin ca zi Ayṯ-Israʼil...

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Ufasus 6:20

Ƹlaḥsab Lʼinjil-a wanita iy tiȓiɣ nec ḏ ijjen n ssafir carrfeɣ s snaseȓ. Ẓẓaǧem kenniw bac azzayes beccareɣ bȓa ma aḏ ggwḏeɣ ƹlaḥsab lwajib inu.

Ayṯ-Filippas 1:12

Ay ayṯma rezzuɣ aḏ tessnem min ḏayi iweqƹen, manayenni ḏ ṣṣaḥ ixeddem i Lʼinjil bac aḏ itentacar.

Ayṯ-Filippas 1:13

Nec lḥala inu ṯeḏweȓ maƹrufa jar marra ȓƹaskar n ȓeqṣar ḏ marra iwḏan iƹni nec aqayi ḏi ȓeḥbes ƹlaḥsab Lmasiḥ.

Ayṯ-Filippas 1:14

X ssabab n snaseȓ-a inu azyen ameqqran n ayṯma twacejjƹen bac aḏ ssiwȓen s wawaȓ n Arebbi s yijjen n zƹameṯ ḥsen zi qbeȓ bȓa ṯiggwḏi.

Ayṯ-Filippas 1:5

ȓaḥeqqac ṯcarrcem akiḏi ḏi Lʼinjil zi nhar amezwaru aȓ ȓexxu.

Ayṯ-Filippas 2:22

Amma Timutawus netta ṯessnem-ṯ meltazem s yixef nnes, ixeddem akiḏi ḏi Lʼinjil am yijjen n uḥarmuc ixeddem ak babas.

Ayṯ-Filippas 4:14

Walakin mliḥ wami ṯcarcem akiḏi ḏi lmacakil inu.

Ayṯ-Filippas 4:15

A Ayṯ-Filippi, wami ffɣeɣ nec zi lʼiqlim n Masidunya ṯessnem qa ḏ kenniw waha zi marra ṯijumaƹ n ȓmuminin iy kiḏi icarcen ḏi lmuƹawana. Manayenni iwqeƹ wami yallah bḏiɣ tbeccareɣ s Lʼinjil ḏi jwayeh nni.

Ayṯ-Filippas 4:3

Wah, tettareɣ uȓa ḏ cek ay amƹacar inu n ṣṣaḥ, ƹawen ṯimɣarin-a iy kiḏi ixeddmen fus ḏeg ufus ḏi Lʼinjil, akiḏsent ƹaweḏ Krimu ḏ imƹacaren inu nneɣni. Isemawen nsen marra aqaṯen ḏi Lkitab n Ṯuḏarṯ.

Ayṯ-Kulus 4:18

Qa nec ḏ Bulus s ṯira n ufus inu iy zi ḏawem d sawwaḍeɣ sȓam ȓexxu. Feqḏem-ayi-d s snaseȓ inu n ȓeḥbes-a. Akiḏwem yiȓi arḍa.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.

1 Ayṯ-Salunik 5:5

Lla, kenniw marra ḏ ṯarwa n ṯfawṯ ḏ iḥenjiren n nhar. War neǧi ca ḏ ṯarwa n ǧiȓeṯ niɣ n ṯaǧest.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

Filimun 1:13

Mecḥaȓ nec tuɣa rezzuɣ akiḏi iqqim ḏanita aḏayi iƹawen ḏeg umcan nnec zeg wami ǧiɣ ḏanita ḏi ȓeḥbes-a ƹlaḥsab Lʼinjil.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

2 Buṭrus 1:13

Nec meȓa ƹaḏ qqimeɣ ddareɣ ḏi ddat inu, tḥessabeɣ-ṯ ḏ lwajib akenniw sfekkareɣ x manaya.

1 Yuḥanna 3:14

Neccin nessen belli neẓwa zi ȓmewṯ ɣar ṯuḏarṯ ȓaḥeqqac ntexs ayṯmaṯneɣ. Wenni war itexsen ca ƹaḏ aqaṯ itƹic ḏi ȓmewṯ.