Ayṯ-Filippas 1:28 - Ṯarifiṯ 2020

²⁸ ƹaweḏ war teggwḏem ca qaƹ zeg yinni iy ḏawem itƹarraḍen. Manaya iy teggem aɣarsen ṯiȓi ḏ ijjen n lƹalama iy d isbeyyanen mliḥ niṯni aḏ fnan kenniw aḏ tnejmem. Marra manaya aḏ d yas zi Arebbi.

Ayṯ-Filippas 1:28 ပူးပေါင်းရင်းမြစ်များ

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Marqus 3:3

Inna-as Ƹisa i uryaz nni iy ɣar iǧa fus immuṯ: "Bedd ḏi ȓwesṭ."

Luqa 3:6

Marra iwḏan aḏ ẓren asenjem n Arebbi.>

Yuḥanna 16:8

Xmi d ɣa yas, aḏ d isbeyyen i yiwḏan n ddunect ɣalṭen x ȓmuƹṣiyeṯ ḏ min iṣeȓḥan ḏ lḥisab.

Ȓexḏayem 28:28

Iwa itxeṣṣa aḏ tessnem uȓa ḏ yinni war iǧin ca ḏ israʼiliyen Arebbi aṯen isenjem, niṯni aḏas sȓen."

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

1 Ayṯ-Salunik 2:2

Ḏi ṯendint n Filippi ṯessnem belli tƹeddan xaneɣ ḏinni tbuṣaren xaneɣ. Walakin neccin nzaƹem akiḏwem, tuɣa itƹawan-aneɣ Arebbi bac a nbeccar jarawem s Lʼinjil waxxa can yiwḏan tƹarraḍen-aneɣ.

Iƹibraniyen 13:6

S manayenni neqqar s zƹameṯ qa nec Siḏi Arebbi itƹawan-ayi maci aḏ ggwḏeɣ. Min ḏayi ɣa igg bnaḏem?

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.