Ayṯ-Filippas 1:23 - Ṯarifiṯ 2020

²³ Ȓexxu aqayi jar ṯnayen n ṯmesȓayin-a iy ɣa ixḍareɣ. Ḏayi mizȓi aḏ uyureɣ zi ṯuḏarṯ-a aḏ iȓiɣ ak Lmasiḥ ȓaḥeqqac manaya qaƹ ḥsen zi marra.

Ayṯ-Filippas 1:23 ပူးပေါင်းရင်းမြစ်များ

Luqa 12:50

Itxeṣṣa-ayi aḏ twaƹaddbeɣ, xeyyqeɣ aṭṭas ḥetta aȓ ɣa ƹḏuɣ manayenni.

Luqa 23:43

Indeq-d Ƹisa inna-as: "Aqa tesȓiḏ ȓḥaqq: Nhara aḏ tiȓiḏ akiḏi ḏi jjenneṯ."

Luqa 8:38

Aryaz nni iy zi ffɣen jnun ittar zi Ƹisa ḥima akiḏes iraḥ. Walakin Ƹisa yugi issekk-iṯ inna-as:

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Yuḥanna 13:1

Qbeȓ i Ȓƹiḏ Ameqqran, netta Ƹisa issen qa ȓweqṯ nnes ṯuweḍ-d aḏ imutti zi ddunect-a ɣar Babas. Netta iḥibb yinni iǧan akiḏes ḏi ddunect, iḥibb-iṯen aȓ uneggaru.

Yuḥanna 14:3

Xmi ɣa raḥeɣ aḏawem swejḏeɣ amcan nni, aḏ d ḏewȓeɣ ƹaweḏ akenniw ysiɣ akiḏi ḥima aḏ tiȓim kenniw mani ɣa iȓiɣ nec.

Yuḥanna 17:24

A Baba, yina ḏayi ṯuciḏ xseɣ aḏ iȓin akiḏi mani ma ǧiɣ nec ḥima aḏ ẓren lƹaḍama inu iy ḏayi ṯuciḏ minzi cek ṯḥibbeḏ-ayi qbeȓ ma aḏ tiȓi ddunect.

Ȓexḏayem 7:59

Qqimen rejjmen Stifan s uzru netta inna: "A Siḏiṯneɣ Ƹisa, qbeȓ buḥbeȓ inu!"

2 Ayṯ-Kurinṯ 5:8

War ntefciȓ ca, lla! Maƹlic neccin meȓa ntaggwaj zi ddat-a n ddunect-a ataf neccin netƹic ak Siḏiṯneɣ.

2 Ayṯ-Kurinṯ 6:12

Ȓemḥibbeṯ nneɣ war xawem t nteɣliq ca neccin, ḏ kenniw iy xaneɣ t iteɣlaqen.

Ayṯ-Filippas 1:24

Walakin labud ḥsen i kenniw meȓa qqimeɣ ddareɣ s ddat-a inu.

1 Ayṯ-Salunik 2:1

Ay ayṯma, kenniw s yixef nwem ṯessnem nnfaƹ nni iy d nuwi wami d nusa ɣarwem.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

1 Ayṯ-Salunik 4:17

Ssenni neccin iƹni yinni ƹaḏ iddaren iƹni yinni ƹaḏ aqaneɣ ḏi ddunect-a ataf akiḏsen netwarfeƹ ɣar ujenna ḏeg iseynuṯen bac a nmeȓqa ak Siḏiṯneɣ ḏi lhawa. Wa amenni akiḏes niȓi i ȓebda.

2 Timutawus 4:6

Cuf, nec tferraɣen-ayi-d am yijjen n ṣṣeḏqeṯ n iḏammen x dbiḥeṯ itwaqeddamen, aqa ṯuweḍ-d ȓweqṯ n ufuɣ inu zi ddunect-a.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."