Ayṯ-Filippas 1:20 - Ṯarifiṯ 2020

²⁰ Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

Ayṯ-Filippas 1:20 ပူးပေါင်းရင်းမြစ်များ

Yuḥanna 21:19

Inna manayenni Ƹisa ḥima aḏ isbeyyen mamc ɣa immeṯ Buṭrus ḥima aḏ tmeḍhar lƹaḍama n Arebbi. Wami iy ḏas inna manayenni, inna-as: "Ḏfar-ayi-d."

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ayṯ-Ruma 12:1

Iḏen fa ay ayṯma, s arraḥmeṯ n Arebbi tcejjaƹeɣ-kenniw aḏ tqeddmem ixef nwem i Arebbi amecnaw ijjen n dbiḥeṯ ṯeddar, ḏ ṯamqeddest, axas yarḍa netta. Manaya ḏ lwajib n lƹibada xawem.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Ruma 6:13

War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican.

Ayṯ-Ruma 6:19

Nec ssawaȓeɣ akiḏwem s yijjen n wawaȓ ƹadi liʼanna iqseḥ x bnaḏem aḏ ifhem manaya. Qbeȓ tuɣa tqeddamem kuȓ ṭṭarf zi ddat nwem bac azzayes itwagg lfasad ḏ ccarr itemɣuren. Walakin ȓexxu tqeddameṯ ddat nwem aḏ texḏem min iǧan nican ḥima aḏ tiȓim ṯeṣfam.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

Ayṯ-Ruma 9:33

Mammec iqqar Lkitab:

1 Ayṯ-Kurinṯ 15:31

Ay ayṯma, twajaheɣ ȓmewṯ kuȓ nhar! Qqareɣ-awem manaya s lʼiftixar-a iy ɣari ḏaywem ƹlaḥsab ṯuḏarṯ-a nneɣ iy ɣarneɣ ḏ icten ak Siḏiṯneɣ Ƹisa Lmasiḥ.

1 Ayṯ-Kurinṯ 6:20

minzi twasɣem kenniw s yijjen n ttaman. Falihaḏa, semɣareṯ Arebbi s ddat nwem.

2 Ayṯ-Kurinṯ 10:8

Waxxa teftaxareɣ cwayt s ṣṣaraḥa-ya x ssulṭa nni iy ḏaneɣ yuca Siḏiṯneɣ, walakin war tseḏḥiɣ ca zi manaya. Ssulṭa-ya yuca-aneɣ-t ḥima akenniw nsejheḏ maci ḥima akenniw nrez.

2 Ayṯ-Kurinṯ 3:12

Iḏen, meȓa ɣarneɣ ijjen n lʼamal am wanita ataf ɣarneɣ ijjen n zƹameṯ.

2 Ayṯ-Kurinṯ 4:10

Ȓebda narebbu ḏi ddat nneɣ ȓmewṯ n Ƹisa bac aḏ d tmeḍhar uȓa ḏ ṯuḏarṯ n Ƹisa ḏi ddat nneɣ.

2 Ayṯ-Kurinṯ 5:15

Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ.

2 Ayṯ-Kurinṯ 7:14

Wami zzaywem ftaxareɣ ɣar Titus war iǧi mayemmi ɣa seḏḥiɣ ȓexxu. Ȓaḥeqqac mammec nessiweȓ akiḏwem nican ḏi marra, uȓa ḏ lʼiftixar nneɣ xawem ɣar Titus qa iffeɣ-d nican.

2 Ayṯ-Kurinṯ 7:4

Nec teggeɣ akiḏwem zƹameṯ aṭṭas, lʼiftixar iy ɣari ḏaywem imɣar. Twacejjƹeɣ aṭṭas, ȓefraḥeṯ inu temfeyyaḍ-d x marra ȓemḥayen nneɣ.

Ayṯ-Filippas 1:14

X ssabab n snaseȓ-a inu azyen ameqqran n ayṯma twacejjƹen bac aḏ ssiwȓen s wawaȓ n Arebbi s yijjen n zƹameṯ ḥsen zi qbeȓ bȓa ṯiggwḏi.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

1 Buṭrus 4:16

Innama, meȓa can yijjen itwaƹeddab ȓaḥeqqac netta ḏ amasiḥi itxeṣṣa-as war itseḏḥi ca, u labud aḏ isemɣar Arebbi ȓaḥeqqac iysi-d isem nnes.

1 Yuḥanna 2:28

A iḥenjiren, ȓexxu ƹiceṯ ḏayes ḥima aɣarneɣ ṯiȓi ijjen n ttiqeṯ war zzayes narewweȓ ca s useḏḥi xmi d ɣa yas aḏaneɣ d imeḍhar.