Ayṯ-Filippas 1:10 - Ṯarifiṯ 2020

¹⁰ Ḥima aḏ tixḍarem min iǧan ḏ aṣebḥan ḥima aḏ tiȓim ṯeṣfam bȓa ȓƹib ɣar nhar n Lmasiḥ.

Ayṯ-Filippas 1:10 ပူးပေါင်းရင်းမြစ်များ

Matta 16:23

Walakin Ƹisa ineqȓeb-d ɣar Buṭrus inna-as: "Aggwej xafi ɣar ḏeffar a Cciṭan! Cek am yijjen n uzru ḏeg ubriḏ inu tneqȓaḏeɣ ḏayes. Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Matta 26:33

Indeq-d Buṭrus inna-as: "Waxxa aḏayec ɣa semḥen marra, nec war ḏayec semḥeɣ ca ƹemmarṣ."

Yuḥanna 1:47

Ƹisa iẓra Naṯnahil iggur-d ɣares inna: "Wanita nican zi Ayṯ-Israʼil, war ḏayes bu ixarwiḍen."

Yuḥanna 3:20

Marra wenni iteggen min iǧan ḏ aƹeffan itƹiffa nnur, war ɣares d itis ca ɣar nnur ḥima war tnefḍiḥent ca ȓefƹayeȓ nnes.

Ȓexḏayem 24:16

Falihaḏa teggeɣ marra jjheḏ inu bac aḏ ƹiceɣ s yijjen n ḍḍamir mertaḥ zzaṯ i Arebbi ḏ yiwḏan.

Ayṯ-Ruma 12:2

War teggem ca min teggen yiwḏan ḏi ȓweqṯ-a ṯanita. Itxeṣṣa aɣarwem yiȓi ijjen n ȓaƹqeȓ ḏ jḏiḏ ḥima aḏ twabeddȓem, ssenni aḏ tessnem kenniw min ixes Arebbi, iƹni min iṣebḥan ḏ min ḏas iteƹjiben war ḏayes bu uxeṭṭi.

Ayṯ-Ruma 12:9

Ȓemḥibbeṯ itxeṣṣa aḏ tiȓi bȓa nnifaq. Ƹiffeṯ min iǧan ḏ ccarr, ṭṭfeṯ ḏi min iǧan ḏ ȓxir.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

Ayṯ-Ruma 2:18

Meȓa cek ṯessneḏ min ixes Arebbi, ṯessneḏ ƹaweḏ aḏ tixḍareḏ min iǧan nican liʼanna ccariƹa n Musa ṯesfehham-ic.

Ayṯ-Ruma 7:16

U xmi teggeɣ min war xseɣ ca aḏ ggeɣ, ataf wafqeɣ belli ccariƹa n Musa ṯeṣbaḥ.

Ayṯ-Ruma 7:22

Liʼanna ḏi nnefs inu nec farḥeɣ s ccariƹa n Arebbi,

Ayṯ-Ruma 8:7

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 8:13

X manaya meȓa lmakla inu ṯɣeṭṭeȓ uma ḏi ȓmuƹṣiyeṯ, ataf ƹemmarṣ aḏ cceɣ aysum ƹaweḏ ḥima war ɣeṭṭȓeɣ ca uma.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 6:3

War nesrusi walu ḏeg ubriḏ i ḥadd bac aṯ neɣḍeȓ ḥima war tifen bu ȓƹib ḏi ȓxeḏmeṯ nneɣ.

2 Ayṯ-Kurinṯ 8:8

War qqareɣ ca manaya ḏ ijjen n ȓuṣiyeṯ; Nec rezzuɣ aḏ jarrbeɣ lḥaqiqa n ȓemḥibbeṯ nwem iƹni tcabbaheɣ min teggem kenniw ak mammec tḥawaȓen iwḏan nneɣni s wuȓawen nsen ḏi ȓxeḏmeṯ-a.

Ayṯ-Galaṭya 5:11

Ay ayṯma, nec maƹlik ƹaḏ seȓmaḏeɣ ṭṭahareṯ n Musa zaƹma, iwa mayemmi ƹaḏ ḏayi tƹeddaben niṯni? Maƹlik labud ṭṭahareṯ-a, ataf ṣafi war itiȓi bu uḥeggar n ṣṣalib.

Ayṯ-Ufasus 4:15

Lla, innama neccin xmi nessawaȓ ȓḥaqq s ȓemḥibbeṯ labud a nemɣar s kuȓ abriḏ a niȓi am netta ḏ azeǧif nni itrayyan xaneɣ iƹni Lmasiḥ.

Ayṯ-Ufasus 5:10

Meyyzeṯ ƹaweḏ min ḏas iteƹjiben i Siḏi Arebbi.

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

Ayṯ-Ufasus 6:24

Aḏ yiȓi arḍa i marra yinni ig itḥibban Siḏiṯneɣ Ƹisa Lmasiḥ s yijjen n ȓemḥibbeṯ war ṯfenni ca ƹemmarṣ.

Ayṯ-Filippas 1:16

Yina tbeccaren s ȓemḥibbeṯ nsen wami ssnen twaxḍareɣ bac aḏ dafƹeɣ x Lʼinjil.

Ayṯ-Filippas 1:6

Nec aqayi mteyyqen ḏi ṯmesȓayṯ-a: Wenni ig ibḏan ḏaywem ca n ccɣeȓ ḏ aṣebḥan axas itsiɣi axas itkemmaȓ ḥetta aȓ Nhar nni n Ƹisa Lmasiḥ.

1 Ayṯ-Salunik 3:13

Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.

1 Ayṯ-Salunik 5:21

Lla, meyyzeṯ manayenni marra. Ṭṭfeṯ ḏi min iǧan ḏ aṣebḥan;

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Lwaḥi 2:2

Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.