2 Timutawus 4:8 - Ṯarifiṯ 2020

⁸ Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

2 Timutawus 4:8 ပူးပေါင်းရင်းမြစ်များ

Matta 24:36

Cuf, nhar nni niɣ ṯsaƹƹat nni war t issin uȓa ḏ ijjen, lla lmalaʼikaṯ ḏeg ujenna uȓa ḏ Mmis. Issen-it ɣir Baba waḥḏes.

Matta 7:22

Ḏi Yum Lḥisab ḏ Lƹiqab aṭṭas iy ḏayi ɣa inin: A Siḏi a Siḏi, yak s lḥikma n yisem nnec iy zi tuɣa nseȓmaḏ i yiwḏan? Yak s lḥikma n yisem nnec iy zi tuɣa nsufuɣ jnun? Yak s lḥikma n yisem nnec iy zi tuɣa ntegg ȓaƹjayeb?

Luqa 10:12

Aḏawem iniɣ: Ḏi Yum Lḥisab ḏ Lƹiqab aḏ yiȓi lƹiqab n ṯendint nni ktar zi lƹiqab n ṯendint ṯaƹeffant n Sadum.

Ayṯ-Ruma 2:5

Walakin cek s ṯɣennant-a iy ḏayek ḏ wuȓ nnec war ituben ca tesmuniḏ aɣḍab i yixef nnec aȓ Yum Lḥisab ḏ Lƹiqab, nhar iy ḏi d ɣa imeḍhar ȓḥukem n Arebbi s ȓḥaqq.

Ayṯ-Ruma 8:23

U maci niṯni waha, uȓa ḏ neccin umi immuc Arruḥ iqeddsen ḏ amezwaru nnehhek ḏeg yixef nneɣ. Ḏayneɣ mezȓi, neccin netraja zi Arebbi aḏ d isbeyyen belli neccin ḏ ṯarwa nnes, iƹni aḏ ifekk ddat nneɣ.

1 Ayṯ-Kurinṯ 2:9

Mamc iqqar Lkitab:

1 Ayṯ-Kurinṯ 9:25

Marra yinni itemƹanaḏen ḏi lmelƹab ḥekkmen x ddat nsen ḏi marra ṯimesȓayin-a. Teggen manaya bac aḏ d awin ijjen n ttaj war ḏasen itdumi ca. Walakin neccin ntegg manaya bac a d nawi ijjen n ttaj itduman i ȓebda.

2 Ayṯ-Kurinṯ 5:2

Ȓexxu neccin nnehhek ḏayneɣ mezȓi a neɣmes s ddat nneɣ n ujenna.

Ayṯ-Filippas 3:11

Amenni mamec ma igga, nec aḏ afeɣ Yum Lqiyama aḏ yiȓi inu.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

1 Ayṯ-Salunik 5:4

Walakin kenniw ay ayṯma, war ṯeǧim ca ḏi ṯaǧest bac Yum nni axawem d ixḍeȓ am yij uceffar.

2 Ayṯ-Salunik 2:8

Ṯumma aḏ d imeḍhar lmesxuṭ, axas iṣuḍ Siḏiṯneɣ Ƹisa s uqemmum nnes aṯ ineɣ, aṯ isbeṭṭeȓ s lƹaḍama nnes iy zi d ɣa iƹqeb Ƹisa.

1 Timutawus 6:19

Amenni iy ɣa xemȓen agȓa i yixef nsen am yijjen n dsas ijehḏen i ṯuḏarṯ iy d ɣa yasen bac aḏ ṭṭfen mliḥ ḏi ṯuḏarṯ nni iy iǧan ḏ ṯuḏarṯ n ṣṣaḥ.

2 Timutawus 1:10

Arḍa-ya qa imeḍhar-d ȓexxu wami d imeḍhar Ƹisa Lmasiḥ wenni iy ḏaneɣ isenjamen wenni isbeṭṭȓen ȓmewṯ. Ȓexxu s ufus n Lʼinjil yuwi-d ṯuḏarṯ ɣar nnur ḏ ṯenni war ifennin ca.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 1:18

Aṯ ijj Siḏiṯneɣ ḥima aḏ yaf arraḥmeṯ zi Siḏi Arebbi ḏi Nhar nni aneggaru. Cek ƹaweḏ ṯessneḏ mecḥaȓ n ṯwaȓaṯin iy ḏayi iƹawen ḏi ṯendint n Ufasus.

2 Timutawus 2:5

Amenni ƹaweḏ wenni itemƹanaḏen ḏi lmelƹab; Meȓa war itemƹanaḏ ca ƹlaḥsab lqanun war irebbeḥ ca ljaʼiza.

2 Timutawus 4:1

Acek weṣṣiɣ zzaṯ i Arebbi ḏ Ƹisa Lmasiḥ wenni iy ɣa iḥekmen x yinni iddaren ḏ yinni immuṯen, acek weṣṣiɣ ƹaweḏ ḏi ȓmulk nnes ḏ Nhar nni iy ḏi d ɣa imeḍhar:

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

Iƹibraniyen 12:11

Ḏi ȓweqṯ nnes kuȓ ttarbiyeṯ tɣiȓ-aneɣ ṯeqseḥ maci ḏ ṯaṣebḥant. Walakin menbaƹd aḏ tarew ijjen n ṯfeǧaḥṯ n ȓxir ḏ ijjen n ȓehna i yinni iy t ɣa iȓemḏen.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

1 Buṭrus 1:4

Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.

1 Buṭrus 5:4

Xmi d ɣa imeḍhar Umeksaw ameqqran ataf aḏ tqebȓem ijjen n ttaj ƹemmarṣ aḏ ikcef.

Lwaḥi 1:7

Aqa yusa-d ak useynu, aṯ ẓrent marra ṯiṭṭawin ḏ yiwḏan nni iy ṯ icukken. Axas ḥeznen marra ȓqum n ṯmurṯ. Wah, amin.

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Lwaḥi 22:20

Iqqar Ƹisa iƹni wenni ixebbaren x ṯmesȓayin-a: "Wah, nec aqa usiɣ-d war tƹeṭṭaȓeɣ ca!" Amin, araḥ-d a Siḏiṯneɣ Ƹisa.

Lwaḥi 4:10

ssenni ƹaweḏ arbeƹa u ƹicrin nni n imɣaren trekkaƹen-as i wenni iqqimen x lƹarc, tsejjaḏen-as i wenni iddaren i ȓebda n ȓebdaṯ. Kuȓ ijjen zzaysen ineṭṭar ttaj nnes zzaṯ i lƹarc iqqar:

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.