2 Timutawus 4:17 - Ṯarifiṯ 2020

¹⁷ Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.

2 Timutawus 4:17 ပူးပေါင်းရင်းမြစ်များ

Matta 10:19

Xmi kenniw ɣa sellmen, bȓa ma aḏ teysim amnus ḏi ȓaƹquȓaṯ nwem min ɣa ṯinim niɣ ḏ mammec iy ɣa ṯessiwȓem; Lla, awaȓen nni iy ɣa ṯinim ḏ Arebbi iy ḏawem ṯen ɣa yucen ḏi ṯsaƹƹat nni.

Luqa 1:1

A si Tufilus, aṭṭas n yiwḏan ggin aḏ arin min iweqƹen ɣarneɣ.

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Ȓexḏayem 23:11

Ǧiȓeṯ nni ibedd-d Siḏiṯneɣ ɣar Bulus inna-as: "Egg zƹameṯ! Mammec iy zzayi ṯcehḏeḏ ḏi ṯendint n Lquds, u labud ƹaweḏ azzayi ṯcehḏeḏ ḏi ṯendint n Ruma."

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ayṯ-Ruma 15:31

Ẓẓaǧeṯ ḥima nec aḏ nejmeɣ zeg ifassen n yinni war yuminen ca ḏi jwayeh n Yahuḏiya, u ƹaweḏ bac ȓxeḏmeṯ inu ḏi Lquds at qebȓen ȓmuminin ṣṣaliḥin iy ḏinni.

2 Ayṯ-Kurinṯ 12:9

Netta inna-ayi lla, icfa-yac arḍa inu; Jjheḏ inu aḏ iḏweȓ ikmaȓ s ḍḍuƹef-a. Falihaḏa farrḥeɣ aṭṭas aḏ ftaxareɣ s ḍḍuƹef n jjheḏ inu bac jjheḏ n Lmasiḥ aḏayi izḏeɣ.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

1 Timutawus 1:12

Tcekkareɣ Siḏiṯneɣ Ƹisa Lmasiḥ wenni iy ḏayi yucin jjheḏ nnes yufa ḏayi ttiqeṯ isiḏef-ayi ɣar ȓxeḏmeṯ nnes.

2 Timutawus 2:1

Iḏen fa cek a mmi, sjehheḏ ixef nnec ḏi arḍa nni iǧan ḏi Ƹisa Lmasiḥ.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.

2 Timutawus 4:5

Cek arr-d ȓbaȓ nnec ḏi marra ṯimesȓayin, ṣbar i tamara, egg ȓxeḏmeṯ am wenni itbeccaren, egg lwajib n ȓxeḏmeṯ nnec.

Titus 1:3

U ḏi lweqṯ nni ig ixḍar netta ismeḍhar-d lwaƹed-a s ttebcir nni iy zi ḏayi itwakellef s lʼamar n Arebbi wenni iy ḏaneɣ isnejmen.

Iƹibraniyen 11:33

S lʼiman kkaren niṯni rebḥen lmemlakaṯ, ḥekmen s ȓḥaqq, ḥerṯen x lwuƹud, bellƹen iqemmumen n sbuƹaṯ,

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.