2 Timutawus 4:16 - Ṯarifiṯ 2020

¹⁶ Wami ḏafƹeɣ x yixef inu ṯwaȓa ṯamezwarut ḏi lmaḥkama marra semḥen ḏayi uȓa ḏ ijjen ma ibedd akiḏi. War xasen t itḥisib ca Siḏi Arebbi.

2 Timutawus 4:16 ပူးပေါင်းရင်းမြစ်များ

Marqus 14:50

Uca semḥen ḏayes marra arewȓen.

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Yuḥanna 16:32

Aḏ d tas ijjen n ȓweqṯ aqa ȓexxu ṯusa-d, aḏ temzeǧaƹem kenniw kuȓ ijjen zzaywem aḏ irewwaḥ. Aḏayi ṯsemḥem aḏ iȓiɣ waḥḏi, walakin war tiȓiɣ ca waḥḏi minzi Baba aqaṯ akiḏi.

Ȓexḏayem 22:1

"Ay ayṯma ay imɣaren, ṣennṭeṯ-ayi mliḥ ȓexxu bac aḏ ḏafƹeɣ x yixef inu!"

Ȓexḏayem 25:16

Nniɣ-asen: Ƹlaḥsab lƹada n arrumanus war tsellimen ḥadd ḥetta aḏ imqabaȓ ak yinni iy xas iggin ttuhma, aɣares ṯiȓi lfurṣa aḏ iḏafeƹ x yixef nnes.

Ȓexḏayem 7:60

Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.

1 Ayṯ-Kurinṯ 13:5

aqa nettaṯ tseḏḥa. War ṯrezzu ca x min ṯenwa nettaṯ waha. War ishiȓ aḏ tƹeṣṣeb, meȓa ƹṣan-t tettu ḏeɣya.

1 Ayṯ-Kurinṯ 9:3

Ḏ wa ḏ ddifaƹ inu ɣar yinni ḏayi iteggen lʼistijwab.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

Ayṯ-Filippas 1:17

Yinni nneɣni lla, tbeccaren s Lmasiḥ s lʼananiya maci s wuȓ nsen iṣfa, rezzun aḏayi ggen lmacakil wami ǧiɣ ḏi ȓeḥbes.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

2 Timutawus 1:15

Cek ṯessneḏ belli marra yinni iǧan ḏi lʼiqlim n Asya semḥen ḏayi uȓa ḏ Fixulus ḏ Hirmujinus.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

2 Timutawus 4:15

Uȓa ḏ cek ḥḍa ixef nnec zzayes minzi netta itƹarraḍ aṭṭas i min netbeccar.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram