2 Timutawus 4:14 - Ṯarifiṯ 2020

¹⁴ Iskander wenni itṣennaƹen nneḥḥas iḍarr-ayi aṭṭas, aṯ ixeǧes Arebbi x ȓefƹayeȓ nnes.

2 Timutawus 4:14 ပူးပေါင်းရင်းမြစ်များ

Ayṯ-Ruma 12:19

Ay imƹizzen inu, war tentaqamem zi ḥadd, lƹiqab jjem-ṯ i Arebbi. Aqa Lkitab iqqar: <Ḏ nec ig itentaqamen, ḏ nec iy itxeǧasen, iqqar-it Siḏi Arebbi.>

Ayṯ-Ruma 2:6

Ṯumma aḏ ixeǧes Arebbi mkuȓ ijjen x ȓexḏayem nnes.

2 Ayṯ-Salunik 1:6

Arebbi netta ḏ Bab n ȓḥaqq, aḏ iƹeddeb s ȓemḥayen yinni iy kenniw itmeḥḥanen,

1 Timutawus 1:20

Zzaysen Ḥimmit ḏ Iskander, jjiɣ-ṯen nec i Cciṭan ḥima aḏ twarebban war qqaren ca awaȓen nni war iḥȓin x Arebbi.

2 Timutawus 4:15

Uȓa ḏ cek ḥḍa ixef nnec zzayes minzi netta itƹarraḍ aṭṭas i min netbeccar.

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."

Lwaḥi 18:6

Arrem-as min ḏawem ṯegga nettaṯ, dublam-as ṯnayen n ṯwaȓaṯin ȓefƹayeȓ nnes. Ȓkas nni iy zi ṯsessew i yiwḏan, sesswem-as-ṯ marrṯayen.

Lwaḥi 6:10

Snekkaren ṯɣuyyeṯ s jjheḏ nnan: "Ya Mawlana ya wenni ƹaḍim iǧan ḏ ȓḥaqq, mecḥaȓ ɣa ṯekkeḏ war tḥisibeḏ imezḏaɣ n ddunect-a, aṯen ṯƹaqbeḏ x iḏammen nneɣ?"