2 Timutawus 3:3 - Ṯarifiṯ 2020

³ war ḏaysen tiȓi ȓemḥibbeṯ, war semmḥen ca i yiwḏan, aḏ qqaren ȓbaṭeȓ, war ḥekkmen ca x yixef nsen, aḏ menɣen am ȓuḥuc, war tḥibbin ca min iǧan ḏ aṣebḥan,

2 Timutawus 3:3 ပူးပေါင်းရင်းမြစ်များ

Matta 10:21

Umas aḏ isellem umas i ȓmewṯ. Babas aḏ isellem mmis. Ṯarwa aḏ raḥen ḍed i lwalidin nsen, aṯen sellmen i yinni iy ṯen ɣa nɣen.

Matta 4:1

Ssenni Arruḥ nni n Arebbi yuwi Ƹisa ɣar ȓexȓa ḥima aṯ ijarreb Ibȓis.

Luqa 10:16

Inna-asen Ƹisa i imeḥḍaren nnes: "Wenni itsȓan i wawaȓ nwem, ataf itesȓa-yayi i nec. Wenni war kenniw iqbiȓen ca, ataf uȓa ḏ nec war ḏayi iqbiȓ ca. Wenni war ḏayi iqbiȓen ca nec, ataf war iqbiȓ ca wenni ḏayi d issekken."

Luqa 16:14

Ȓḥizeb n ifarrisiyen niṯni zeg yinni itexsen tmenyaṯ, wami sȓin i marra manaya ḍeḥcen xas.

Yuḥanna 6:70

Inna-asen Ƹisa: "Nec iy kenniw ixḍaren s ṯenƹac iḏwem, walakin ijjen zzaywem ḏ Ibȓis."

Ayṯ-Ruma 1:29

Niṯni ccuren s kuȓ nnuƹ n ȓmuƹṣiyaṯ ḏ ccarr ḏ ṭṭmaƹ ḏ ȓeqbaḥeṯ ḏ ȓeḥseḏ. Neqqen iwḏan tmenɣan. Ccuren s uɣḏar ḏ min war iḥȓin, qqaren nnamima.

Ayṯ-Ruma 1:31

War fehhmen ca, war teṭṭfen ca ḏeg wawaȓ nsen, war ḏaysen bu lḥanana uȓa ḏ arraḥmeṯ.

1 Ayṯ-Kurinṯ 7:5

Itxeṣṣa war ṯqeṭṭƹem ca x wayawya illa meȓa ṯtafqem ak wayawya ijjen n lmudda waha ḥima aḏ tucem ȓweqṯ nni i ṯẓaǧiṯ nwem. Menbaƹd aḏ tmunem ḥima war kenniw itɣarri ca Cciṭan ȓaḥeqqac ataf war ṯzemmarem ca aḏ tḥekmem mliḥ x ccehweṯ nwem.

1 Ayṯ-Kurinṯ 7:9

Walakin meȓa war zemmaren ca aḏ ḥekmen x ccehweṯ nsen u labud aḏ meȓcen. Ȓaḥeqqac meȓa meȓcen ḥsen zi meȓa qqimen ḥerrqen ḏi ccehweṯ nsen.

1 Ayṯ-Salunik 4:8

Falihaḏa wenni itagin aḏ iḏfar ȓuṣiyeṯ-a ṯanitan ataf maci itagi i bnaḏem, itagi i Arebbi wenni iy ḏawem d iticcen Arruḥ nnes iqeddsen.

1 Timutawus 3:11

Amenni ƹaweḏ ṯimɣarin itxeṣṣa aḏ iȓint mweqqerint war ḏaysent tiȓi ca nnamima aḏ ḥekkment x yixef nsent aḏaysent ṯiȓi ttiqeṯ ḏi marra ṯimesȓayin.

Titus 1:8

Wah, itxeṣṣa aḏ itreḥḥab zeg inewjiwen, aḏas iteƹjib min iǧan ḏ aṣebḥan, aḏ iḥkem x ṯnefsiyṯ nnes, aḏayes yiȓi lmaƹqul, aḏ yiȓi iṣfa, aḏ irebba ixef nnes.

Titus 2:3

Ṯinni imɣaren ƹaweḏ aḏ ƹiccent ƹlaḥsab lʼiman, war ḏaysent tiȓi bu nnamima, war tebliyint ca aṭṭas s binu. Aḏ sȓemḏent min iǧan ḏ aṣebḥan.

Yaƹqub 2:6

Walakin kenniw ṯḥeggarem ȓmusakin! Ma war ṯessinem ca ḏ twajar iy kenniw iy ḍeǧmen, tjarran-kenniw ɣar lmaḥakim?

2 Buṭrus 2:14

Ṯiṭṭawin nsen ɣir xezzarent ḏi zzna, war tjiwinent ca s ȓmuƹṣiyaṯ. Niṯni tḥeǧaqen-d yinni war itejhiḏen ca ḏi lʼiman, uȓawen nsen trinaren ḏi ṭṭmaƹ. Niṯni ḏ ṯarwa n nnaƹȓeṯ.

2 Buṭrus 2:19

Ḍemmnen-asen iṯarrasen-a lḥurriya i yiwḏan walakin yina bab nsen netta ḏ ȓefna. Ȓaḥeqqac min iteḥkamen x bnaḏem netta ḏ bab nnes.

2 Buṭrus 3:3

Min iǧan muhim qaƹ? Itxeṣṣa u labud aḏ tfehmem belli ḏi ȓiyyam nni ineggura aḏ iȓin mujudin iwḏan iy iḍeḥḥcen xawem, aḏ ḍeḥcen aḏ ḏeffaren ccehawaṯ nsen u ṣafi.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.

Yahuḏa 1:18

Nnan-awem: "Ḏi ȓiyyam nni ineggura aḏ iȓin mujudin yinni iḏeḥḥcen x yiwḏan, ḏeffaren ccehawaṯ nsen ṯiƹeffanin waha."

Lwaḥi 13:15

Itwasmeḥ-as aḏ igg buḥbeȓ ḏi lʼaṣnam-a itwaṣenƹen x ṣṣifeṯ n ȓwaḥc amezwaru ḥima aḏ issiweȓ aḏ ineɣ marra yinni war isejjḏen ca i lʼaṣnam-a am ȓwaḥc nni.

Lwaḥi 13:17

Uȓa ḏ ijjen war izemmar aḏ iseɣ niɣ aḏ izzenz illa wenni ɣar iǧa ṭṭabaƹ nni, iƹni isem n ȓwaḥc nni niɣ ḏ rraqem n yisem nnes.

Lwaḥi 16:6

Aqa wami sizzȓen iḏammen n ȓmuminin ṣṣaliḥin ḏ lʼanbiya, ṯuciḏ-asen aḏ swen iḏammen uȓa ḏ niṯni ȓaḥeqqac sḏaheǧen manayenni."

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.