2 Timutawus 3:16 - Ṯarifiṯ 2020

¹⁶ Aqa marra Ṯira Muqeddsin usint-id zi Arruḥ n Arebbi, neffƹent ḥima azzaysent nseȓmeḏ azzaysent nenha azzaysent nṣeḥḥeḥ azzaysent nrebba ƹlaḥsab ṣṣulḥ.

2 Timutawus 3:16 ပူးပေါင်းရင်းမြစ်များ

Matta 13:52

Inna-asen: "Kuȓ amseȓmaḏ n Ccariƹa n Musa ig ifehmen ȓmulk ujenna netta am yijjen n bab n ṯeddarṯ ig isufuɣen ṯimesȓayin ṯiqḏimin niɣ ḏ jḏiḏ zi mani ixzen ȓkenz nnes."

Matta 21:42

Inna-asen Ƹisa: "Ma ƹemmarṣ war ṯeɣrim min yurin ḏi Lkitab?

Matta 22:43

Inna-asen Ƹisa: "Iwa mammec Dawed iqqar-as i mmis s Arruḥ n Arebbi: A Siḏi? Minzi Dawed inna:

Matta 26:54

Walakin mammec iy ɣa ikemmeȓ wawaȓ iy inna Siḏi Arebbi belli manaya itxeṣṣa aḏ iwqeƹ ammu?"

Matta 26:56

Walakin marra manaya iwqeƹ ḥima aḏ ikemmeȓ min yurin ḏi Lkutub n lʼanbiya." Uca semḥen ḏayes marra imeḥḍaren nnes arewȓen.

Marqus 12:24

Indeq-d Ƹisa inna-asen: "Kenniw ṯexḍam ȓaḥeqqac war ṯessinem ca Lkitab, war ṯessinem ca uȓa ḏ jjheḏ n Arebbi.

Marqus 12:36

Inna-asen: "Qa Dawed inna netta s yixef nnes s Arruḥ iqeddsen:

Yuḥanna 10:35

Netta iy ḏasen iqqaren i yinni umi d yusa wawaȓ n Arebbi, u Lkitab ȓebda iqqar ȓḥaqq.

Yuḥanna 3:20

Marra wenni iteggen min iǧan ḏ aƹeffan itƹiffa nnur, war ɣares d itis ca ɣar nnur ḥima war tnefḍiḥent ca ȓefƹayeȓ nnes.

Ȓexḏayem 1:16

"Ay ayṯma, tuɣa itxeṣṣa aḏ ikemmeȓ wawaȓ n Arruḥ iqeddsen iy d yusin x yiȓes n nnabi Dawed ḏeg yijjen n zman wami issiweȓ x Yahuḏa iƹni wenni izenzen Ƹisa isbeyyen-asen abriḏ yuwi yinni iy ṯ iṭṭfen.

Ȓexḏayem 18:25

Aryaz-a iȓmeḏ x ubriḏ n Siḏiṯneɣ, issawaȓ s jjheḏ ḏ ameqqran, iseȓmaḏ nican x Ƹisa. Walakin issen ɣir x uṭehhar nni n waman ig isexḏem nnabi Yaḥya.

Ȓexḏayem 20:20

War zzaywem snuffareɣ walu, nec txebbareɣ-kenniw s marra min kenniw ɣa inefƹen. Seȓmaḏeɣ-awem-ṯ zzaṯ i yiwḏan u ƹaweḏ zi ṯeddarṯ ɣar ṯeddarṯ.

Ȓexḏayem 20:27

Liʼanna nec war zzaywem snuffareɣ walu zi marra min inewwa Arebbi aṯ igg.

Ȓexḏayem 28:25

Niṯni war mesfhimen ca ak wayawya. Qbeȓ ma aḏ ffɣen ssenni, inna-asen Bulus awaȓ-a ḏ aneggaru: "Arruḥ iqeddsen inna ȓḥaqq i ȓejḏuḏ nwem s yiȓes n nnabi Icaƹya, inna:

Ayṯ-Ruma 15:4

Cuf, marra min yurin ḏi Lkutub ḏi zman urin-ṯ bac azzayes neȓmeḏ neccin. Awaȓ n Arebbi itcejjaƹ-aneɣ, itawi-yaneɣ-d ṣṣbar ḥima aɣarneɣ yiȓi lʼamal.

Ayṯ-Ruma 2:20

ṯneṣṣḥeḏ yinni war issinen, ṯseȓmaḏeḏ imezyanen, liʼanna ɣarek ḏi ccariƹa n Musa marra ṯusna ḏ lḥaqiqa.

Ayṯ-Ruma 3:2

Wah, aṭṭas n nnfaƹ! Ḏ amezwaru, ijja-asen-d Arebbi awaȓ nnes ḏ lʼamana.

Ayṯ-Ruma 4:23

Mayemmi iqqar Lkitab qa ? Ma iqqar awaȓ-a ƹlaḥsab Brahim waḥḏes?

1 Ayṯ-Kurinṯ 12:7

Immuc-as i kuȓ ijjen iy zi ɣa ismeḍhar ȓxeḏmeṯ n Arruḥ iqeddsen bac aḏ infeƹ marra iwḏan.

Ayṯ-Galaṭya 3:8

Zi qbeȓ ixbar-d Arebbi ḏi Lkitab aḏ ismeṣȓaḥ akiḏes s lʼiman yinni war iǧin ca zi Ayṯ-Israʼil. Ƹlaḥsab manayenni ibeccar zi qbeȓ Brahim s Lʼinjil inna-as qa aḏ twabarken marra ȓegnus x ssabab nnec.

2 Timutawus 2:25

Aḏ iṣeḥḥaḥ s yijjen n wuȓ iṣebbaren i yinni iy ḏas itƹarraḍen; ḥima meȓa ixes Arebbi aṯen ijj aḏ tuben aḏ ssnen lḥaqiqa.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

Iƹibraniyen 11:1

Fa lʼiman netta ḏ ijjen n ttiqeṯ ijehḏen ḏi min netraja, neccin metʼakkadin ḏi ṯmesȓayin waxxa war ṯent netwiȓi ca.

Iƹibraniyen 3:7

X manaya ammu iqqar Arruḥ iqeddsen: Nhara meȓa ṯesȓim i ṣṣut n Arebbi,

Iƹibraniyen 4:12

Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.