2 Timutawus 3:14 - Ṯarifiṯ 2020

¹⁴ Cek lla, arni ḏi min ḏac sȓemḏen ḏ min c iseqnaƹen minzi ṯessneḏ yinni iy ḏac isȓemḏen manayenni.

2 Timutawus 3:14 ပူးပေါင်းရင်းမြစ်များ

Ȓexḏayem 17:31

Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."

Ayṯ-Ruma 14:5

Cuf, ijjen itwaȓa ijjen n nhar mubarek zi nhuraṯ nneɣni. Ijjen itwaȓa-ṯen qaƹ kif-kif. Kuȓ ijjen itxeṣṣa-as labud aḏ yiȓi meqtanaƹ mliḥ s array nnes.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

2 Timutawus 1:13

Meṯṯel ttaƹlim nni nican iy ṯesȓiḏ zzayi, akiḏes iy ɣa yiȓi ijjen n lʼiman ḏ yijjen n ȓemḥibbeṯ iy iǧan ḏi Ƹisa Lmasiḥ.

2 Timutawus 2:2

Ṯimesȓayin nni iy ṯesȓiḏ zzayi zzaṯ i waṭṭas n ȓechuḏ, ejj-iṯent am yijjen n lʼamana ak iryazen ataf ḏaysen ttiqeṯ, ƹaweḏ iryazen nni zemmaren aḏ sȓemḏen iwḏan nneɣni.

2 Timutawus 3:15

Aqa zi ṯemẓi nnec ṯessneḏ ƹaweḏ Ṯira iǧan Muqeddsin zemmarent ac d arrent ḏ miɣis ƹlaḥsab mamc iy ɣa ṯnejmeḏ s lʼiman nni iy iǧan ḏi Ƹisa Lmasiḥ.

Titus 1:9

Itxeṣṣa u labud aḏ iṭṭef mliḥ ḏeg wawaȓ nni iy ḏi ṯeǧa ttiqeṯ iy ḏas itwasȓemḏen ḥima aḏ icejjeƹ iwḏan s yijjen n ttaƹlim nican aḏ inha yinni itƹarraḍen i ttaƹlim-a.

Iƹibraniyen 6:11

Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.