2 Timutawus 2:8 - Ṯarifiṯ 2020

⁸ Fekkar ḏi Ƹisa Lmasiḥ wenni iy d isekkar Arebbi zi ȓmewṯ, netta lʼaṣel nnes zi Dawed. Ḏ manaya ig iǧan ḏi Lʼinjil iy tbeccareɣ nec.

2 Timutawus 2:8 ပူးပေါင်းရင်းမြစ်များ

Matta 1:1

Wa ḏ lkitab n ȓejḏuḏ n Ƹisa Lmasiḥ, wenni iǧan zi ddurriṯ n Dawed ḏ Brahim.

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Ȓexḏayem 13:23

Ṯumma zi ddurriṯ n Dawed issekk-d Arebbi Ƹisa ɣar Ayṯ-Israʼil iƹni wenni iy ṯen ɣa isnejmen, mammec ṯen iwƹeḏ zi qbeȓ.

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ȓexḏayem 2:30

Azeǧiḏ Dawed tuɣa ḏ nnabi iƹni issen belli iwƹeḏ-iṯ Arebbi inna-as aqa aḏ sɣimeɣ ijjen zi ddurriṯ nnec x lƹarc nnec.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 2:16

Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

1 Ayṯ-Kurinṯ 15:1

Fa ay ayṯma akenniw sfekkareɣ x Lʼinjil iy zi kenniw beccareɣ, iƹni netta ṯqebȓem-ṯ u mtebṯin xas.

1 Ayṯ-Kurinṯ 15:4

Ṯumma itwanḍeȓ, ṯumma itwasnekkar-d ḏeg wass wis ṯeȓtiyyam mammec iqqar Lkitab.

2 Ayṯ-Salunik 2:14

Aqa iȓaɣa-d xawem ƹlaḥsab i manaya s Lʼinjil iy netbeccar bac aḏ tcarcem ḏi lƹaḍama n Siḏiṯneɣ Ƹisa Lmasiḥ.

1 Timutawus 1:11

Ttaƹlim-a iǧan nican aṯ naf ḏi Lʼinjil n Arebbi lƹaḍim ig itwarbarken. Lʼinjil-a ikellef-ayi-d xas nec am yijjen n lʼamana.

1 Timutawus 2:7

X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

2 Timutawus 2:7

Fekkar ḏi min ḏac qqareɣ, aqa ḏ Siḏi Arebbi netta iy c ɣa isefhamen ḏi marra ṯimesȓayin-a.

Lwaḥi 5:5

Ȓexddenni indeq-d ijjen zeg imɣaren nni inna-ayi: "War tru ca! Aqa irbeḥ ssbaƹ nni ig iǧan zi Ayṯ-Yahuḏa lʼaṣel nnes zi Dawed, izemmar aḏ irzem Lkitab-a aḏ ikkes icemmaƹen nni s sebƹa."