2 Timutawus 2:7 - Ṯarifiṯ 2020

⁷ Fekkar ḏi min ḏac qqareɣ, aqa ḏ Siḏi Arebbi netta iy c ɣa isefhamen ḏi marra ṯimesȓayin-a.

2 Timutawus 2:7 ပူးပေါင်းရင်းမြစ်များ

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Luqa 24:45

Ȓexddenni irzem Ƹisa ȓaƹquȓaṯ nsen ḥima aḏ fehmen Lkutub.

Luqa 9:44

"Ṣennṭeṯ mliḥ i wawaȓ-a iy ḏawem ɣa iniɣ: Mmis n bnaḏem ƹȓayen aḏ itwasellem ɣar ifassen n yiwḏan."

Yuḥanna 14:26

Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ.

Yuḥanna 16:13

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

Ȓexḏayem 7:10

ifekk-iṯ zi marra tamara nnes. Yuca-as lḥikma, isƹizz-iṯ ɣar Firƹun iƹni azeǧiḏ n Miṣra. Iggi-ṯ Firƹun aḏ iḥkem x Miṣra ḏ ȓeqṣar nnes ikmaȓ.

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

Ayṯ-Kulus 1:9

X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.

1 Timutawus 4:15

Ṭebbeq ṯimesȓayin-a, sellem-asent ixef nnec qaƹ bac aḏ ẓren marra iwḏan nnajaḥ nnec.

2 Timutawus 2:6

Afeǧaḥ ig itamaren ḏi ȓxeḏmeṯ u labud aḏ iysi ȓḥaqq nnes netta ḏ amezwaru zi ṯfeǧaḥṯ nni.

2 Timutawus 2:8

Fekkar ḏi Ƹisa Lmasiḥ wenni iy d isekkar Arebbi zi ȓmewṯ, netta lʼaṣel nnes zi Dawed. Ḏ manaya ig iǧan ḏi Lʼinjil iy tbeccareɣ nec.

Iƹibraniyen 12:3

Fekkareṯ mliḥ ḏi Ƹisa netta mecḥaȓ iṣbar x ccmayeṯ iy ḏas iƹarrḍen bac kenniw war tiḥȓem ca war tefciȓem ca.

Iƹibraniyen 13:7

Ƹeqȓeṯ x yinni iy xawem itrayyan iƹni yinni issiwȓen akiḏwem s wawaȓ n Arebbi. Fekkareṯ ḏi min urwen niṯni s ṯuḏarṯ nsen, ggeṯ mammec iy ggin niṯni s lʼiman nsen.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

Iƹibraniyen 7:4

Iwa fekkareṯ netta mecḥaȓ ḏ ameqqran, waxxa ḏ jeddiṯneɣ ameqqran Brahim yuca-as ȓaƹcur, ƹecra ḏi miyya zi marra agȓa nni ig irbeḥ zeg izeǧiḏen nni!

Yaƹqub 1:5

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.

Yaƹqub 3:15

Nnuƹ n ȓefhameṯ-a war d thewwi ca zeg ujenna; Lla, nettaṯ n ddunect-a n yiwḏan n Cciṭan.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.