2 Timutawus 2:4 - Ṯarifiṯ 2020

⁴ War ḏinni bu can uƹeskari ig itemxumburen ḏi ddur nnes ḏi ṯmesȓayin n ddunect-a ȓaḥeqqac irezzu aḏ yarḍa x wenni iy ṯ yarrin ḏ aƹeskari.

2 Timutawus 2:4 ပူးပေါင်းရင်းမြစ်များ

Luqa 8:14

Zzarriƹeṯ nni ig iwḍan jar isennanen nettaṯ am yiwḏan iy tesȓan i wawaȓ n Arebbi, walakin ḏeɣya temjeyyafen s umnus ḏ wagȓa ḏ ccehawaṯ n ddunect-a war neffƹen ca.

2 Ayṯ-Kurinṯ 5:9

X manayenni mixef nrezzu? Nrezzu axas narḍa waxxa nzeddeɣ ḏi ddat-a n ddunect-a niɣ ntaggwaj zzayes.

Ayṯ-Galaṭya 5:1

Ɣar lḥurriya iḍȓeq-aneɣ-d Lmasiḥ bac a niȓi ḥurr ḏ ṣṣaḥ. Beddeṯ nican baƹda, war tejjaṯ ca axawem ibesseȓ ƹaweḏ ijjen n dqeȓ n ṯzayȓut n isemɣan.

1 Ayṯ-Salunik 2:4

Lla, iḍbeƹ-aneɣ Arebbi ikellef-aneɣ x wawaȓen-a iǧan ḏi Lʼinjil. Zi manaya nessawaȓ bac axaneɣ yarḍa Arebbi maci axaneɣ arḍan yiwḏan minzi ḏ netta ig iǧan ḏ wenni itmeyyazen min ɣarneɣ ḏeg wuȓawen nneɣ.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

2 Buṭrus 2:20

Cuf, iṯarrasen-a meȓa tuɣa ssnen Siḏiṯneɣ Ƹisa Lmasiḥ arewȓen zi ȓewsex n ddunect-a ssenni ƹaweḏ ƹeqben-d ḥnunnḍen ḏayes iḏweȓ iḥekkem xasen, ataf aneggaru nsen iqseḥ ktar zeg umezwaru nsen.