2 Timutawus 2:25 - Ṯarifiṯ 2020

²⁵ Aḏ iṣeḥḥaḥ s yijjen n wuȓ iṣebbaren i yinni iy ḏas itƹarraḍen; ḥima meȓa ixes Arebbi aṯen ijj aḏ tuben aḏ ssnen lḥaqiqa.

2 Timutawus 2:25 ပူးပေါင်းရင်းမြစ်များ

Matta 11:29

Arbuṯ xawem ṯzayȓut inu, ȓemḏeṯ zzayi ȓaḥeqqac nec ḏ aṣebbar, war ḏayi bu ttakebbur. Ȓexddenni aḏ tafem arraḥeṯ i yixef nwem.

Matta 21:32

Ȓaḥeqqac yusa-d ɣarwem Yaḥya iseḍhar-awem-d abriḏ n ȓḥaqq, war zzayes ṯuminem ca. Walakin iƹeccaren ḏ ṯemɣarin iffɣen abriḏ umnen zzayes. Kenniw ṯeẓrim manayenni, walakin war tubem ca ḥima azzayes ṯamnem."

Marqus 1:15

Iqqar-asen: Aqa ȓweqṯ ṯuweḍ-d, ȓmulk n Arebbi yuḏes-d. Tubeṯ, amneṯ s Lʼinjil.

Yuḥanna 5:34

Walakin nec war ḥḏijeɣ ca chaḏeṯ n bnaḏem. Qqareɣ-awem manaya ḥima aḏ tnejmem.

Ȓexḏayem 11:18

Yinni iḥḍaren wami sȓin i wawaȓ-a, sqaren ḥemḏen Arebbi nnan: "Xyar, uȓa ḏ yinni war iǧin ca zi Ayṯ-Israʼil yuca-asen Arebbi ttuba aɣarsen ṯiȓi ṯuḏarṯ!"

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.

Ȓexḏayem 5:31

Irfeƹ-iṯ Arebbi aɣares iggi-ṯ x ufusi nnes bac aḏ iḥkem aḏ isenjem, aḏ yuc ttuba i Ayṯ-Israʼil aḏ iɣfar ȓmuƹṣiyaṯ nsen.

Ȓexḏayem 8:22

Tub zi ccarr nnec, ttar i Siḏi Arebbi imken aḏac iɣfar min ṯenwiḏ ḏeg wuȓ nnec.

Ayṯ-Galaṭya 6:1

Ay ayṯma, meȓa ṯufim can yijjen zzaywem ṯseḥṣer-iṯ ȓmuƹṣiyeṯ, labud meȓa ṯjehḏem kenniw s Arruḥ iqeddsen aṯiḏ tarrem ɣar ubriḏ s yijjen n wuȓ iṣebbaren. U ḥḍa ixef nnec uȓa ḏ cek bac war ṯetwaɣarriḏ ca.

1 Timutawus 2:4

ixes marra iwḏan aḏ twasnejmen aḏ awḍen aḏ ssnen lḥaqiqa.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

2 Timutawus 3:7

Ȓebda tesȓant ɣar ttaƹlim walakin ƹemmarṣ aḏ awḍent aḏ ssnent lḥaqiqa.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Titus 3:2

Sfekkar-aṯen ḥima war tƹeyyiben ḥadd, war tmenɣin ca s wawaȓen, aḏ iȓin trankiȓ, aḏ sxeḏmen ijjen n ttawaḍuƹ ak marra iwḏan.

Yaƹqub 1:17

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.