2 Timutawus 2:21 - Ṯarifiṯ 2020

²¹ Wenni issiṣfan ixef nnes zi marra ṯimesȓayin nni ṯiƹeffanin ataf aḏ yiȓi am ȓeqcuƹ nni iy twasteƹmalen i min iǧan ḏ ccan, netta aḏ yiȓi iṣfa aḏ yiȓi ineffeƹ i Bab nnes, aḏ yiȓi iwjeḏ i kuȓ ȓxeḏmeṯ ṯaṣebḥant.

2 Timutawus 2:21 ပူးပေါင်းရင်းမြစ်များ

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

1 Ayṯ-Kurinṯ 5:7

Kkseṯ antun nni aqḏim ḥima aḏ tiȓim ḏ ijjen n ȓƹajneṯ ḏ jḏiḏ n urecṯi bȓa antun. Liʼanna ammu ḏ ṣṣaḥ iy ṯeǧam kenniw. Cuf, itwaɣareṣ ȓƹiḏ nneɣ iƹni Lmasiḥ.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

2 Ayṯ-Kurinṯ 9:8

Arebbi netta izemmar akenniw isfeyyeḍ s lbaraka bac ataf ȓebda aɣarwem yiȓi min teḥḏajam marra ṯumma aḏ tarnim aṭṭas ḏi marra ȓxeḏmeṯ ṯaṣebḥant.

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

2 Timutawus 2:16

Fa awggwej zeg wawaȓen nni ixwan n yiwḏan n ddunect-a minzi awaȓen nsen aḏ arnin ɣir ḏi ȓeqfaȓeṯ nsen x Arebbi.

2 Timutawus 2:20

Cuf, ijjen n ṯeddarṯ ṯaṣebḥant war ḏayes ca ɣir ȓeqcuƹ n ddheb niɣ ḏ nnuqarṯ waha; Lla, ḏayes uȓa ḏ ȓeqcuƹ n ukeccuḍ ḏ ucaȓ. Ȓebƹaḍiṯ twasteƹmalen i min iǧan ḏ ccan, ȓebƹaḍiṯ twasteƹmalen i min iǧan ƹadi waha.

2 Timutawus 3:17

Ḥima aryaz n Arebbi aḏ yiȓi iwjeḏ aḏ yaf iḏebbar-as s qaƹ ṯimesȓayin ƹlaḥsab kuȓ ȓxeḏmeṯ ḏ ṯaṣebḥant.

2 Timutawus 4:11

Iqqim akiḏi ɣir Luqa waha. Awi-d akiḏec Marqus minzi ineffeƹ-ayi ḏi ȓxeḏmeṯ inu.

Titus 3:1

Sfekkar i ȓmuminin aḏ ggen array i ȓḥukkam ḏ ȓmexzen, aḏasen ṭaƹen aḏ iȓin wejḏen i kuȓ ȓxeḏmeṯ ḏ ṯaṣebḥant.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 1:7

Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

1 Yuḥanna 3:3

U marra wenni ɣar iǧa l'amal-a aḏ issiṣfa ixef nnes am mammec iǧa netta iṣfa.