2 Timutawus 2:18 - Ṯarifiṯ 2020

¹⁸ Niṯni ffɣen abriḏ n lḥaqiqa qqaren qa ṣafi Yum Lqiyama iwqeƹ, tḍeyyaƹen lʼiman n ȓebƹaḍ n yiwḏan.

2 Timutawus 2:18 ပူးပေါင်းရင်းမြစ်များ

Matta 15:13

Indeq-d Ƹisa inna-asen: "Kuȓ arbiƹ war ṯ iẓẓu ca Baba iǧan ḏeg ujenna aḏ ineqȓeƹ s iẓewran nnes.

Matta 22:29

Indeq-d Ƹisa inna-asen: "Kenniw ṯexḍam ȓaḥeqqac war ṯessinem ca Lkitab uȓa ḏ jjheḏ n Arebbi.

Luqa 8:13

Zzarriƹeṯ nni ig iwḍan jar yizra nettaṯ am yiwḏan iy tesȓan i wawaȓ n Arebbi, qebȓen-ṯ s ȓefraḥeṯ. Wami war uwṯin bu iẓewran mliḥ ḏeɣya tneqȓaƹen. Tamnen zzayes ɣir ḏeg yijjen n ȓweqṯ waha, ḏi ȓweqṯ n ȓemḥayen ḏeɣya teffɣen abriḏ.

Ȓexḏayem 5:39

Meȓa manaya zi Arebbi war ṯzemmarem ca axasen ṯeqḍam. Ɣarwem aḏ tafem ixef nwem tmenɣam ak Arebbi!"

1 Ayṯ-Kurinṯ 11:19

Ȓaḥeqqac wa labud aḏ iȓin lxilafaṯ jarawem bac aḏ d banen yinni iǧan nican jarawem.

1 Ayṯ-Kurinṯ 15:12

Fa Lmasiḥ netbeccar xas itwasekkar-d zi ȓmewṯ. Mammec qqaren ȓebƹaḍ zzaywem war ṯeǧi bu lqiyama n imettinen?

Ayṯ-Kulus 3:1

Iḏen fa wami twasnekkarem kenniw ak Lmasiḥ u labud aḏ terzum s wuȓawen nwem ṯimesȓayin nni iǧan ḏeg ujenna mani iqqim Lmasiḥ ɣar ufusi n Arebbi.

1 Timutawus 1:19

ataf aɣarec yiȓi lʼiman nnec ḏ yijjen ḍḍamir ḏ aṣebḥan. Maci am ȓebƹaḍiṯ semḥen ḏi manaya uca lʼiman nsen iɣareq am yij uɣarrabu ḏi ȓebḥar.

1 Timutawus 6:10

Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

1 Timutawus 6:21

Ḏinni ȓebƹaḍ ḏfaren Lƹarfaniya-ya zaƹma menbaƹd ffɣen abriḏ n lʼiman. Aɣarwem yiȓi arḍa i kenniw.

2 Timutawus 2:14

Sfekkar ȓmuminin x ṯmesȓayin-a. Ƹȓem-asen zzaṯ i Arebbi bac war tmenɣin ca x wawaȓen. Amenɣi nni war ḏayes walu, ɣir aḏ isufeɣ zeg ubriḏ yinni itsȓan.

Titus 1:11

Yina aqemmum nsen itxeṣṣa-yasen aḏasen itwaqqen. Niṯni mecḥaȓ n lƹaʼilaṯ kemȓent iy sparḏȓen wami ḏasen seȓmaḏen ṯimesȓayin itxeṣṣa-yasen war ḏasen ṯent seȓmiḏen ca, niṯni ḍemmƹen ḏi tmenyaṯ waha.

Iƹibraniyen 3:10

X manayenni sƹeṣṣben-ayi yiwḏan n zman nni. Nniɣ nec aqa ȓebda tbeƹƹaḏen xafi s wuȓawen nsen, ibriḏen inu war ṯen ssinen ca niṯni.

Yaƹqub 5:19

Ay ayṯma, can yijjen zzaywem iffeɣ abriḏ n lḥaqiqa. Meȓa yarri-ṯ-id can yijjen nneɣni, itxeṣṣa-kenniw aḏ tessnem belli wenni iy ṯiḏ yarrin zeg ubriḏ nnes n ȓbaṭeȓ ataf isenjem-iṯ zi ȓefna nnes ataf aḏ twaɣfarent aṭṭas n ȓmuƹṣiyaṯ.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.