2 Timutawus 2:16 - Ṯarifiṯ 2020

¹⁶ Fa awggwej zeg wawaȓen nni ixwan n yiwḏan n ddunect-a minzi awaȓen nsen aḏ arnin ɣir ḏi ȓeqfaȓeṯ nsen x Arebbi.

2 Timutawus 2:16 ပူးပေါင်းရင်းမြစ်များ

1 Ayṯ-Kurinṯ 15:33

War xeddƹeṯ ca ixef nwem: "Ṯamƹacareṯ ṯaƹeffant, tḍeyyaƹ ttarbiya ṯaṣebḥant."

1 Ayṯ-Kurinṯ 5:6

Maci mliḥ wami teftaxarem. War ṯessinem ca illa ɣir ḏrus n untun iy d isgaƹƹaḏen marra ȓƹajneṯ n urecṯi?

1 Timutawus 1:9

Nessen Ccariƹa-ya ƹaweḏ war d ṯexȓiq ca i yinni isemṣȓaḥen ak Arebbi. Lla, ṯexȓeq-d i yinni iǧan ḏ iƹeffanen ḏ yinni iy ḏi ṯeǧa ṯɣennant ḏ yinni war iḏeffiren ca Arebbi ḏ yinni iƹeṣṣan ḏ yinni war iṣfin ca ḏ yinni war ɣar iǧi bu ddin ḏ yinni ineqqen babaṯsen ḏ yemmaṯsen ḏ yinni ineqqen iwḏan

1 Timutawus 4:7

Fa awggwej cek x ṯḥuja nni iǧan ḍed lʼiman iy tƹawaḏent ṯwessura waha, setrinar ixef nnec ƹlaḥsab lʼiman.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

2 Timutawus 2:14

Sfekkar ȓmuminin x ṯmesȓayin-a. Ƹȓem-asen zzaṯ i Arebbi bac war tmenɣin ca x wawaȓen. Amenɣi nni war ḏayes walu, ɣir aḏ isufeɣ zeg ubriḏ yinni itsȓan.

2 Timutawus 2:21

Wenni issiṣfan ixef nnes zi marra ṯimesȓayin nni ṯiƹeffanin ataf aḏ yiȓi am ȓeqcuƹ nni iy twasteƹmalen i min iǧan ḏ ccan, netta aḏ yiȓi iṣfa aḏ yiȓi ineffeƹ i Bab nnes, aḏ yiȓi iwjeḏ i kuȓ ȓxeḏmeṯ ṯaṣebḥant.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

Titus 1:11

Yina aqemmum nsen itxeṣṣa-yasen aḏasen itwaqqen. Niṯni mecḥaȓ n lƹaʼilaṯ kemȓent iy sparḏȓen wami ḏasen seȓmaḏen ṯimesȓayin itxeṣṣa-yasen war ḏasen ṯent seȓmiḏen ca, niṯni ḍemmƹen ḏi tmenyaṯ waha.

Titus 1:14

Maci aḏ ggen array i ṯḥuja nni n Ayṯ-Israʼil niɣ aḏ ggen array i ȓuṣiyaṯ nni n yinni isbeƹƹaḏen ixef nsen zi lḥaqiqa.

Titus 3:9

Walakin siggwej ixef nnec zeg imnaqaren iy ḏi ṯeǧa ɣir ṯubuhȓiya u ƹaweḏ zi lbaḥt nni n ṯcejjura n ȓejḏuḏ ḏ imenɣiwen ḏ imxarwaḍen x ccariƹa liʼanna niṯni ḏ ȓbaṭeȓ waha war neffƹen ca qaƹ.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

2 Buṭrus 2:2

Aṭṭas iy ɣa iqellden ȓeqbaḥeṯ nsen. X ssabab-a wanitan iwḏan aḏ zebbȓen ḏeg ubriḏ n lḥaqiqa.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 13:3

Ijjen zeg iqeyyuƹen nnes iḍhar-d ḏayes ij ujarriḥ axmi immuṯ, walakin igenfa zeg ujarriḥ nni n ȓmewṯ. U marra imezḏaɣ n ṯmurṯ tƹejjben, ḏeffaren ȓwaḥc-a.