2 Timutawus 2:14 - Ṯarifiṯ 2020

¹⁴ Sfekkar ȓmuminin x ṯmesȓayin-a. Ƹȓem-asen zzaṯ i Arebbi bac war tmenɣin ca x wawaȓen. Amenɣi nni war ḏayes walu, ɣir aḏ isufeɣ zeg ubriḏ yinni itsȓan.

2 Timutawus 2:14 ပူးပေါင်းရင်းမြစ်များ

Matta 16:26

Minzi ɣa infeƹ bnaḏem meȓa irbeḥ ddunect-a qaƹ wa ixsar ȓaƹmar nnes? Min ɣa yuc bnaḏem ḏeg umcan n ȓaƹmar nnes?

Ȓexḏayem 13:10

Inna-as: "Cek ḏ mmis n Ibȓis. Cek ḏ ȓaƹḏu n qaƹ min iǧan nican, ṯeccureḏ s lḥila ḏ ṯeḥraymect! Ma ƹaḏ ṯrezzuḏ aḏ tƹewwjeḏ ibriḏen iy iǧan nican n Siḏi Arebbi?

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.

Ayṯ-Ruma 14:1

Fa wenni umi iḍƹef lʼiman nnes qebȓem-ṯ jarawem bȓa ma akiḏes ṯmenɣem x lʼafkar nnes.

Ayṯ-Galaṭya 1:7

Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

2 Ayṯ-Salunik 3:6

Fa ay ayṯma, netweṣṣa-kenniw ƹlaḥsab isem n Siḏiṯneɣ Ƹisa Lmasiḥ aḏ tbeƹƹḏem zi mkuȓ ȓmumen itbaƹen farq-ccɣeȓ, netta war iḏeffar ca ttaƹlim iy ṯqebȓem zzayneɣ.

1 Timutawus 1:4

Aḏasen ṯiniḏ war ḏeffarem ca ṯiḥuja niɣ ḏ ṯacejjarṯ nni war iqeṭṭin ca x ȓejḏuḏ nwem. Ṯimesȓayin-a am ṯina ɣir tsejjaƹent-aneɣ bac a nweddar ḏi lʼafkar ixwan, war ḏaneɣ ṯsiwwiḍent ca ɣar min itxeṭṭeṭ Arebbi minzi min ḏaneɣ isawwaḍen ɣar Arebbi netta ḏ lʼiman.

1 Timutawus 1:6

Ȓebƹaḍ ffɣen zi ṯmesȓayin-a uḏfen ḏeg wawaȓen iy ixwan.

1 Timutawus 4:8

Meȓa ṯestrinareḏ ixef nnec s arriyaḍa, aḏ tawiḏ ijjen n arbaḥ ac ineffeƹ cwayt. Meȓa ṯestrinareḏ s lʼiman, aḏ tawiḏ ijjen n arbaḥ ac ineffeƹ i ṯmesȓayin marra. Lʼiman-a iwƹeḏ-ic ƹlaḥsab ṯuḏarṯ-a iǧan ȓexxu ḏ ṯenni iy d ɣa yasen.

1 Timutawus 5:21

Aqa ƹeȓmeɣ-ac zzaṯ i Arebbi ḏ Ƹisa Lmasiḥ ḏ lmalaʼikaṯ itwaxḍaren qa labud aḏ teggeḏ ṯimesȓayin-a bȓa ma aḏ teggeḏ ȓfarz ak can ḥadd bȓa ma aḏ teggeḏ ƹaweḏ s wuḏemawen.

1 Timutawus 6:13

Tweṣṣiɣ-cek zzaṯ i Arebbi wenni iseddaren qaƹ ṯimesȓayin u zzaṯ i Ƹisa Lmasiḥ wenni icehḏen chaḏeṯ nni ṯaṣebḥant zzaṯ i lḥakem Bunṭus Bilaṭus.

2 Timutawus 1:6

X manaya ac fekkareɣ bac aḏ tsenhezzeḏ lqudra nni iy ḏayec iǧan zi Arebbi ƹlaḥsab wami xac serseɣ ifassen inu.

2 Timutawus 2:16

Fa awggwej zeg wawaȓen nni ixwan n yiwḏan n ddunect-a minzi awaȓen nsen aḏ arnin ɣir ḏi ȓeqfaȓeṯ nsen x Arebbi.

2 Timutawus 2:23

Awggwej zeg umnaqar nni iy ḏi iǧa ɣir ṯubuhȓiya ḏ ȓeqfaȓeṯ waha minzi ṯessneḏ belli itarew ɣir amenɣi u ṣafi.

2 Timutawus 4:1

Acek weṣṣiɣ zzaṯ i Arebbi ḏ Ƹisa Lmasiḥ wenni iy ɣa iḥekmen x yinni iddaren ḏ yinni immuṯen, acek weṣṣiɣ ƹaweḏ ḏi ȓmulk nnes ḏ Nhar nni iy ḏi d ɣa imeḍhar:

Titus 3:1

Sfekkar i ȓmuminin aḏ ggen array i ȓḥukkam ḏ ȓmexzen, aḏasen ṭaƹen aḏ iȓin wejḏen i kuȓ ȓxeḏmeṯ ḏ ṯaṣebḥant.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

2 Buṭrus 1:13

Nec meȓa ƹaḏ qqimeɣ ddareɣ ḏi ddat inu, tḥessabeɣ-ṯ ḏ lwajib akenniw sfekkareɣ x manaya.