2 Timutawus 1:7 - Ṯarifiṯ 2020

⁷ Aqa Arebbi war ḏaneɣ yuci ca ijjen n arruḥ n ṯiggwḏi; Lla, qa yuca-aneɣ-d ijjen arruḥ n jjheḏ ḏ ȓemḥibbeṯ ḏ ȓeḥkam x yixef nneɣ s ȓaƹqeȓ.

2 Timutawus 1:7 ပူးပေါင်းရင်းမြစ်များ

Luqa 10:19

Aqa ticceɣ-awem jjheḏ iy zi ɣa ṯƹeffsem x ifiɣeran ḏ ṯɣirḏemiwin ḏ marra jjheḏ n ȓaƹḏu, war kenniw itḍarri walu.

Luqa 15:17

Ibḏa ȓexddenni itxemmam mliḥ ḏeg yixef nnes inna: Mecḥaȓ ɣares ḏ ixeddamen ɣar baba itceṭṭa xasen uɣrum, nec aqayi ḏanita tmettiɣ s jjuƹ.

Luqa 24:49

Ataf minḏi kenniw iwƹeḏ Baba aḏawem ṯiḏ ssekkeɣ nec. Qqimem ḏi ṯendint-a aȓ xawem d ɣa ihwa jjheḏ zeg ujenna."

Luqa 8:35

Ffɣen-d yiwḏan ḥima aḏ ẓren min iweqƹen. Usin-d ɣar Ƹisa ufin aryaz nni ffɣen zzayes jnun, iqqim ɣar iḍaren n Ƹisa yareḍ arruḍ nnes igenfa iḏweȓ s ȓaƹqeȓ nnes. Uca ggwḏen aṭṭas.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

Ȓexḏayem 26:11

Mecḥaȓ n ṯwaȓaṯin traḥeɣ zi ṯemziḏa ɣar ṯemziḏa tƹeddabeɣ-ṯen, rezzuɣ aḏ ssiwȓen s bezzez ȓƹib ḏi Arebbi. S uɣḍab nni inu traḥeɣ ḥetta ɣar ṯneddam ḏi lxarij bac aṯen ƹeddbeɣ ḏinni.

Ȓexḏayem 26:25

Inna-as Bulus: "A si lwali Fastus, lla nec war flippaɣ ca. Min qqareɣ ḏ ṣṣaḥ u s ȓaƹqeȓ.

Ȓexḏayem 6:8

Stifan nni netta iccur s lbaraka n Arebbi ḏ jjheḏ, ixeddem jar yiwḏan lburhanaṯ ḏ lmuƹjizaṯ ḏ ṯimeqqranin.

Ȓexḏayem 9:22

Cawul netta yarni itḥeddaṯ s jjheḏ, iseḏhac Ayṯ-Israʼil ig izeddɣen ḏi Dimaceq, isbeyyen-asen-d s wawaȓ nnes qa Ƹisa ḏ Lmasiḥ.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

1 Ayṯ-Kurinṯ 2:4

Min qqareɣ ḏ min tḥeddaṯeɣ war iǧi ca s wawaȓen n ȓefhameṯ bac akenniw sqenƹen ḏeɣya; Lla, sxeddameɣ jjheḏ n Arruḥ n Arebbi

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Kulus 1:8

Iƹaweḏ-aneɣ xawem x ȓemḥibbeṯ nwem lʼaṣel n ȓemḥibbeṯ-a ḏ Arruḥ iqeddsen.

Iƹibraniyen 2:15

U ƹaweḏ Ƹisa aḏ d iḍȓeq i yinni iǧan ḏ isemɣan zi ȓexȓuq iƹni yinni xasen ṯḥekkem ṯiggwḏi zi ȓmewṯ uca aḏ iȓin ḥurr.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Yuḥanna 4:18

Iƹni ȓemḥibbeṯ war ṯessin ca ṯiggwḏi. Ȓemḥibbeṯ iy iǧan ṯekmaȓ aḏ tazzeȓ x ṯiggwḏi, mayemmi? Ȓaḥeqqac ṯiggwḏi tas-d zi ȓxuf n lƹiqab. Wenni iteggwḏen, netta ȓemḥibbeṯ nnes ƹaḏ war zzayes ṯejjiwen ca.