2 Timutawus 1:18 - Ṯarifiṯ 2020

¹⁸ Aṯ ijj Siḏiṯneɣ ḥima aḏ yaf arraḥmeṯ zi Siḏi Arebbi ḏi Nhar nni aneggaru. Cek ƹaweḏ ṯessneḏ mecḥaȓ n ṯwaȓaṯin iy ḏayi iƹawen ḏi ṯendint n Ufasus.

2 Timutawus 1:18 ပူးပေါင်းရင်းမြစ်များ

Luqa 1:72

Aḏ d ismeḍhar arraḥmeṯ nnes iy zi iwƹeḏ ȓejḏuḏ nneɣ, aḏ iƹqeȓ x ȓƹaheḏ nnes iqeddsen.

Luqa 1:78

Minzi Arebbi nneɣ ḏ araḥman ḏ araḥim, ifqeḏ-aneɣ-d zeg ujenna xmi ṯɣeǧi ṯfuct.

Luqa 8:3

ḏ Ayunna ṯamɣarṯ n Xuzi lwakil n Hirudus, ḏ Suzana, ḏ ṯinneḍni aṭṭas iy tƹawanent s wagȓa nsent.

Ȓexḏayem 18:19

Uwḍen ɣar ṯendint n Ufasus, ijja Bulus ḏinni Priskila ḏ Wakilas, ssenni yuḏef ɣar ṯemziḏa bac aḏ imnaqac ak israʼiliyen.

Ȓexḏayem 18:21

Wami xasen imsafaḍ inna-asen qa meȓa ixes Arebbi, ƹaḏ aḏ d ƹeqbeɣ. Ssenni inya ḏeg uɣarrabu iffeɣ zi ṯendint nni n Ufasus.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

1 Ayṯ-Kurinṯ 16:8

Nec aḏ qqimeɣ ḏi ṯendint n Ufasus aȓ ɣa d yaweḍ Ȓƹiḏ n nhar wis xemsin.

2 Ayṯ-Kurinṯ 9:1

Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

Ayṯ-Ufasus 2:4

Walakin Arebbi s ȓemḥibbeṯ nnes iy igga i neccin ḏ arraḥmeṯ nnes ṯameqqrant aṭṭas, min ḏaneɣ igga netta?

1 Ayṯ-Salunik 2:19

Liʼanna ḏ kenniw iy iǧan ḏ lʼamal nneɣ ḏ ȓefraḥeṯ nneɣ ḏ ttaj nneɣ n ccan zzaṯ i Siḏiṯneɣ Ƹisa xmi d ɣa yas.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 1:16

Aḏ ibarek Siḏi Arebbi ȓeḥbab n umaṯneɣ Wanisfur, aṭṭas n ṯwaȓaṯin isertaḥ-ayi war iseḏḥi ca x snaseȓ inu.

2 Timutawus 1:17

Lla, netta wami iǧa ḏi ṯendint n Ruma irezzu xafi aṭṭas aȓ wami iy ḏayi yufa.

2 Timutawus 4:12

Ssekkeɣ Tuciq ɣar ṯendint n Ufasus.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Buṭrus 1:10

X usenjem-a wanita ssiwȓen xas lʼanbiya, iƹni arḍa nni iy tuɣa ḏawem d ɣa imeḍharen. Niṯni rezzun xas mliḥ tfettacen xas aṭṭas.

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac: