2 Timutawus 1:14 - Ṯarifiṯ 2020

¹⁴ Ḥḍa ṯamesȓayṯ nni iy ḏac ijja ḏ lʼamana, ḥḍa-t s Arruḥ iqeddsen iy ḏayneɣ izeddɣen.

2 Timutawus 1:14 ပူးပေါင်းရင်းမြစ်များ

Luqa 16:11

Meȓa war ḏaywem bu ȓaman x ȓewsex n ddunect-a, wi ḏaywem ɣa iggen ȓaman x wagȓa n ṣṣaḥ?

Yuḥanna 14:17

Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Ayṯ-Ruma 3:2

Wah, aṭṭas n nnfaƹ! Ḏ amezwaru, ijja-asen-d Arebbi awaȓ nnes ḏ lʼamana.

Ayṯ-Ruma 8:11

Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

Ayṯ-Ruma 8:9

Amma kenniw, meȓa izeddeɣ ḏaywem Arruḥ n Arebbi, ataf aḏ tƹicem x ubriḏ n Arruḥ ataf war teggem array i ṭṭabiƹa ṯaƹeffant nwem. U wenni war ɣar iǧi Arruḥ n Lmasiḥ, war iǧi ca zi Lmasiḥ.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

1 Ayṯ-Kurinṯ 9:17

Meȓa tbeccareɣ s ȓxaḍar inu, ataf aḏayi ijaza Arebbi. Meȓa war iǧi bu s ȓxaḍar inu, iƹni ataf teggeɣ ijjen n lmesʼuliya bezzez xafi waha.

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Ayṯ-Galaṭya 2:7

Walakin min ufin? Ufin ikellef-ayi Arebbi bac aḏ beccareɣ i iyunaniyen mammec ikellef Buṭrus bac aḏ ibeccar i Ayṯ-Israʼil.

Ayṯ-Ufasus 2:22

Ḏayes ƹaweḏ ḏi Lmasiḥ ibenna-kenniw ijjen ak unneɣni bac aḏ tiȓim ḏ ijjen n ṯzeddiɣṯ ḏayes iy ɣa izḏeɣ Arebbi s Arruḥ nnes.

Ayṯ-Ufasus 5:18

War skareṯ ca s ccreb ig itawin ɣar lmadella n ssekra; Lla, ccarem s Arruḥ iqeddsen.

Ayṯ-Kulus 4:11

Isawwaḍ-awem-d sȓam ƹaweḏ Ƹisa wenni umi qqaren Yustus. Ḏ yina waha ig iǧan ḏ israʼiliyen zeg yinni itemƹacaren akiḏi ḏi ȓxeḏmeṯ-a ƹlaḥsab ȓmulk n Arebbi, tcejjaƹen-ayi aṭṭas.

1 Ayṯ-Salunik 5:19

War tsexsayem ca Arruḥ iqeddsen.

1 Timutawus 1:11

Ttaƹlim-a iǧan nican aṯ naf ḏi Lʼinjil n Arebbi lƹaḍim ig itwarbarken. Lʼinjil-a ikellef-ayi-d xas nec am yijjen n lʼamana.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 2:2

Ṯimesȓayin nni iy ṯesȓiḏ zzayi zzaṯ i waṭṭas n ȓechuḏ, ejj-iṯent am yijjen n lʼamana ak iryazen ataf ḏaysen ttiqeṯ, ƹaweḏ iryazen nni zemmaren aḏ sȓemḏen iwḏan nneɣni.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.