2 Timutawus 1:12 - Ṯarifiṯ 2020

¹² X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 1:12 ပူးပေါင်းရင်းမြစ်များ

Matta 12:21

Ḏeg yisem nnes ȓegnus aḏ ggen lʼamal.>

Matta 24:36

Cuf, nhar nni niɣ ṯsaƹƹat nni war t issin uȓa ḏ ijjen, lla lmalaʼikaṯ ḏeg ujenna uȓa ḏ Mmis. Issen-it ɣir Baba waḥḏes.

Matta 7:22

Ḏi Yum Lḥisab ḏ Lƹiqab aṭṭas iy ḏayi ɣa inin: A Siḏi a Siḏi, yak s lḥikma n yisem nnec iy zi tuɣa nseȓmaḏ i yiwḏan? Yak s lḥikma n yisem nnec iy zi tuɣa nsufuɣ jnun? Yak s lḥikma n yisem nnec iy zi tuɣa ntegg ȓaƹjayeb?

Luqa 10:12

Aḏawem iniɣ: Ḏi Yum Lḥisab ḏ Lƹiqab aḏ yiȓi lƹiqab n ṯendint nni ktar zi lƹiqab n ṯendint ṯaƹeffant n Sadum.

Luqa 23:46

Iȓaɣa Ƹisa s yijjen n ṯmijja ṯejheḏ inna: "A Baba, nec buḥbeȓ inu sellmeɣ-ac-ṯ ḏeg ifassen nnec." Wami inna manaya yarra nnefs ṣafi immuṯ.

Yuḥanna 17:15

Nec war ḏac tettareɣ ca aṯen ṯsufɣeḏ zi ddunect-a; Lla, tettareɣ-ac aṯen teḥḍiḏ zi ccarr.

Yuḥanna 6:44

War izemmar uȓa ḏ ijjen aḏ d yas ɣari illa meȓa s lʼiḏen n Baba iy ḏayi d issekken, nec aṯiḏ sekkareɣ ḏi Nhar Aneggaru.

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

Ȓexḏayem 7:59

Qqimen rejjmen Stifan s uzru netta inna: "A Siḏiṯneɣ Ƹisa, qbeȓ buḥbeȓ inu!"

Ȓexḏayem 9:16

Nec aḏas d seḍhareɣ mecḥaȓ iy ɣa itwaƹeddeb u labud x ssabab n yisem inu nec."

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 9:33

Mammec iqqar Lkitab:

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

Ayṯ-Filippas 1:20

Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

Ayṯ-Filippas 3:10

Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

1 Ayṯ-Salunik 5:4

Walakin kenniw ay ayṯma, war ṯeǧim ca ḏi ṯaǧest bac Yum nni axawem d ixḍeȓ am yij uceffar.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

2 Timutawus 1:14

Ḥḍa ṯamesȓayṯ nni iy ḏac ijja ḏ lʼamana, ḥḍa-t s Arruḥ iqeddsen iy ḏayneɣ izeddɣen.

2 Timutawus 1:16

Aḏ ibarek Siḏi Arebbi ȓeḥbab n umaṯneɣ Wanisfur, aṭṭas n ṯwaȓaṯin isertaḥ-ayi war iseḏḥi ca x snaseȓ inu.

2 Timutawus 1:18

Aṯ ijj Siḏiṯneɣ ḥima aḏ yaf arraḥmeṯ zi Siḏi Arebbi ḏi Nhar nni aneggaru. Cek ƹaweḏ ṯessneḏ mecḥaȓ n ṯwaȓaṯin iy ḏayi iƹawen ḏi ṯendint n Ufasus.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 2:18

Wami netta s yixef nnes itwaƹeddeb ḏi ȓemḥayen, izemmar aḏ iƹawen yinni iǧan ḏi ȓemḥayen.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

1 Buṭrus 1:5

Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.

1 Buṭrus 4:16

Innama, meȓa can yijjen itwaƹeddab ȓaḥeqqac netta ḏ amasiḥi itxeṣṣa-as war itseḏḥi ca, u labud aḏ isemɣar Arebbi ȓaḥeqqac iysi-d isem nnes.

1 Buṭrus 4:19

Falihaḏa yinni itwaƹeddaben s array n Arebbi, itxeṣṣa-yasen aḏ sellmen ȓaƹmar nsen ḏeg ifassen n Lxaliq nsen netta iy ḏi ṯeǧa ttiqeṯ, aḏ qqimen teggen min iǧan ḏ aṣebḥan.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,