2 Timutawus 1:1 - Ṯarifiṯ 2020

¹ Nec ḏ Bulus ḏ ijjen n arrasul n Ƹisa Lmasiḥ s ȓxaḍar n Arebbi ƹlaḥsab lwaƹeḏ nni iy ḏaneɣ iwƹeḏ x ṯuḏarṯ nni iǧan ḏi Ƹisa Lmasiḥ.

2 Timutawus 1:1 ပူးပေါင်းရင်းမြစ်များ

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Yuḥanna 6:40

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

Yuḥanna 6:54

Inna-asen: "Wenni ɣa iccen ddat inu aḏ isew iḏammen inu, aɣares ṯiȓi ṯuḏarṯ i ȓebda nec aṯiḏ sekkareɣ ḏi Nhar Aneggaru.

Ayṯ-Ruma 1:1

Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

1 Ayṯ-Kurinṯ 1:1

Ṯabrat-a zzayi nec Bulus akiḏi umaṯneɣ Sastin. Iȓaɣa-ayi-d Arebbi s ȓxaḍar nnes ḥima aḏ iȓiɣ ḏ arrasul n Ƹisa Lmasiḥ.

2 Ayṯ-Kurinṯ 1:1

Ṯabrat-a zzayi nec Bulus ig iǧan ḏ arrasul n Ƹisa Lmasiḥ s ȓxaḍar n Arebbi, akiḏi umaṯneɣ Timutawus. Tariɣ i jmaƹeṯ n ȓmuminin n Arebbi yinni iǧan ḏi ṯendint n Kurinṯ ḏ marra ȓmuminin ṣṣaliḥin ƹaweḏ ig iǧan ḏi lʼiqlim n Uxaya amen-ṯekmaȓ.

2 Ayṯ-Kurinṯ 1:20

Liʼanna netta ḏayes iy iqqar Arebbi i marra ṯimesȓayin iy iƹaheḏ Arebbi. S manaya zi Ƹisa neqqar i lƹaḍama n Arebbi.

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

1 Timutawus 6:19

Amenni iy ɣa xemȓen agȓa i yixef nsen am yijjen n dsas ijehḏen i ṯuḏarṯ iy d ɣa yasen bac aḏ ṭṭfen mliḥ ḏi ṯuḏarṯ nni iy iǧan ḏ ṯuḏarṯ n ṣṣaḥ.

2 Timutawus 1:10

Arḍa-ya qa imeḍhar-d ȓexxu wami d imeḍhar Ƹisa Lmasiḥ wenni iy ḏaneɣ isenjamen wenni isbeṭṭȓen ȓmewṯ. Ȓexxu s ufus n Lʼinjil yuwi-d ṯuḏarṯ ɣar nnur ḏ ṯenni war ifennin ca.

2 Timutawus 1:13

Meṯṯel ttaƹlim nni nican iy ṯesȓiḏ zzayi, akiḏes iy ɣa yiȓi ijjen n lʼiman ḏ yijjen n ȓemḥibbeṯ iy iǧan ḏi Ƹisa Lmasiḥ.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

2 Timutawus 2:1

Iḏen fa cek a mmi, sjehheḏ ixef nnec ḏi arḍa nni iǧan ḏi Ƹisa Lmasiḥ.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

2 Timutawus 2:3

Iȓi akiḏi ḏeg uƹeddeb am uƹeskari aṣebḥan n Ƹisa Lmasiḥ.

2 Timutawus 3:15

Aqa zi ṯemẓi nnec ṯessneḏ ƹaweḏ Ṯira iǧan Muqeddsin zemmarent ac d arrent ḏ miɣis ƹlaḥsab mamc iy ɣa ṯnejmeḏ s lʼiman nni iy iǧan ḏi Ƹisa Lmasiḥ.

Titus 1:2

Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

Titus 1:4

Tariɣ ṯabrat-a i Titus wenni iy iǧan am memmi ḏ ṣṣaḥ ḏi lʼiman-a iy ḏi ncarrec. Akiḏec yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ wenni iy ḏaneɣ isnejmen.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

1 Yuḥanna 2:25

Minzi ḏaneɣ iwƹeḏ? Iwƹeḏ-aneɣ s ṯuḏarṯ n ȓebda n ȓebdaṯ.