2 Buṭrus 3:9 - Ṯarifiṯ 2020

⁹ Siḏiṯneɣ war iḏqiȓ ca aḏ isexḏem lwaƹed nnes am mammec iy ḏasen itɣiȓ i yiwḏan. Lla, netta iṣebbar akiḏwem war ixes ca uȓa ḏ ijjen zzaywem aḏ ifna, irezzu marra iwḏan aḏ tuben.

2 Buṭrus 3:9 ပူးပေါင်းရင်းမြစ်များ

Ayṯ-Ruma 13:11

Mayemmi manaya? Kenniw ṯessnem man ȓweqṯ iy ḏi neǧa neccin. Ṯuweḍ-d ṯsaƹƹat ḥima aḏ tfaqem zeg yiḍeṣ. Liʼanna ṯsaƹƹat-a iy ḏi ɣa nenjem ȓexxu aqa ṯqarreb-d ktar zi ṯenni iy ḏi numen ḏ amezwaru.

Ayṯ-Ruma 13:12

Ǧiȓeṯ aqa ṯeƹḏu, nhar aqa yuweḍ-d. X manaya labud a nekkes ȓeḥwayej n ṯaǧest, a negg arruḍ n nnur n ȓeḥḏiḏ.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Ayṯ-Ruma 9:22

Amenni ig igga Arebbi. Wami ixes aḏ d ismeḍhar aɣḍab nnes aḏ d isbeyyen jjheḏ iy ɣares, iṣebbar aṭṭas x yinni iy xef iɣḍeb iƹni iɣerrafen nni wejḏen aḏ twarzen.

1 Timutawus 1:16

Wami nec ḏ lƹaṣi ḏ ameqqran xasen marra iseḍhar-ayi-d Arebbi arraḥmeṯ nnes bac Ƹisa Lmasiḥ azzayi d ismeḍhar marra ṣṣbar nnes aḏ yiȓi manaya ḏ ijjen n lmiṯal i yinni iy zzayes ɣa yamnen aɣarsen ṯiȓi ṯuḏarṯ n ȓebda.

1 Timutawus 2:4

ixes marra iwḏan aḏ twasnejmen aḏ awḍen aḏ ssnen lḥaqiqa.

Iƹibraniyen 10:37

Liʼanna ṯeqqim ḏrust n ȓweqṯ aḏ d yaweḍ wenni iy d itasen war itƹeṭṭaȓ ca.

1 Buṭrus 3:20

Mayemmi? Liʼanna mecḥaȓ zeg wami ḏi zman n Nuḥ ugin yiwḏan-a aḏ ggen array i Arebbi wami ṯen tuɣa itraja s ṣṣbar itṣennaƹ aɣarrabu n Nuḥ. Ḏeg uɣarrabu-ya ḏrust n yiwḏan ṯmenya waha kkin x waman nni nejmen.

2 Buṭrus 1:4

Ƹlaḥsab ṯimesȓayin-a netta yuca-aneɣ-d lwuƹud nnes imɣaren ig isewwan aṭṭas. Ḥima s lwuƹud-a aḏ tcarcem ḏi ṭṭabiƹa n wenni yuƹȓan wami ṯarewȓem zi min ifennan ḏi ddunect-a ƹlaḥsab ccehawaṯ ṯiƹeffanin.

2 Buṭrus 3:15

Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.

Lwaḥi 2:21

Uciɣ-as ȓweqṯ aḏ ttub zi lfasad nnes, walakin ṯugi aḏ ttub.