2 Buṭrus 3:7 - Ṯarifiṯ 2020

⁷ Ȓexxu ƹaweḏ s ȓuṣiyeṯ nnes twaxemmȓen ijennaṯen ḏ ṯmurṯ ḏi ȓweqṯ-a i ṯmessi, aqa twassewjaḏen i Yum Lḥisab ḏ Lƹiqab aḏ sefnan yinni war itṭiƹin ca i Arebbi.

2 Buṭrus 3:7 ပူးပေါင်းရင်းမြစ်များ

Matta 10:15

Aqa tesȓam ȓḥaqq: Ḏi Yum Lḥisab ḏ Lƹiqab aḏ yiȓi lƹiqab n ṯendint nni ktar zi lƹiqab n ṯendint ṯaƹeffant n Sadum ḏ ṯendint ṯaƹeffant n Ƹamura.

Matta 11:22

X manayenni aḏawem iniɣ: Aqa ṯineddam ṯiƹeffanin nni n Ṣur ḏ Ṣayda aḏ iȓint ḥsen zzaywem ḏi Yum Lḥisab ḏ Lƹiqab.

Matta 11:24

X manayenni aḏawem iniɣ: Aqa ṯandint ṯaƹeffant nni n Sadum aḏ tiȓi ḥsen zzayec ḏi Yum Lḥisab ḏ Lƹiqab!"

Matta 12:36

Aḏawem iniɣ: Aqa Yum Lḥisab ḏ Lƹiqab aḏ twaḥasben yiwḏan x mkuȓ awaȓ ixwan iy ssiwȓen.

Matta 24:35

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Marqus 6:11

Meȓa war kenniw qbiȓen ca ḏi can umcan niɣ war xsen ca aɣarwem ṣennṭen, ffɣem ssenni mesḥeṯ ṯaƹejjact zeg iḍaren nwem am ca n chaḏeṯ xasen."

Yuḥanna 12:48

Wenni iy ḏayi itƹeyyaben netta war iqebbeȓ ca awaȓ inu, ataf ɣares wi ṯ ɣa iḥasben. Awaȓ-a iy nniɣ ḏ wenni iy ṯ ɣa iḥasben ḏi Nhar Aneggaru.

Ayṯ-Ruma 2:5

Walakin cek s ṯɣennant-a iy ḏayek ḏ wuȓ nnec war ituben ca tesmuniḏ aɣḍab i yixef nnec aȓ Yum Lḥisab ḏ Lƹiqab, nhar iy ḏi d ɣa imeḍhar ȓḥukem n Arebbi s ȓḥaqq.

Ayṯ-Filippas 1:28

ƹaweḏ war teggwḏem ca qaƹ zeg yinni iy ḏawem itƹarraḍen. Manaya iy teggem aɣarsen ṯiȓi ḏ ijjen n lƹalama iy d isbeyyanen mliḥ niṯni aḏ fnan kenniw aḏ tnejmem. Marra manaya aḏ d yas zi Arebbi.

2 Ayṯ-Salunik 2:3

Lla, war tejjam ḥadd akenniw icmeṯ s walu. Ataf war izemmar Yum nni aḏ d yas qbeȓ ma aḏ semḥen aṭṭas aṭṭas n yiwḏan ḏ amezwaru ḏi Arebbi aḏ d imeḍhar lmesxuṭ mmis n ȓefna.

1 Timutawus 6:9

Yinni irezzun aḏ iȓin ḏ twajar ataf aḏ twaɣarran aḏ wḍan ḏeg yijjen n ṯexcebṯ ḏ waṭṭas n ccehawaṯ ig isbuhȓuyen ig isefcaḏen ig isɣerraqen iryazen ḏi arrwina ḏ ȓefna.

Iƹibraniyen 12:29

minzi Arebbi nneɣ netta ḏ ijjen n ṯmessi isḥarraqen.

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.

2 Buṭrus 3:10

Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

2 Buṭrus 3:12

xmi trajam i Lyuwm n Arebbi aṯ tseggurem bac ḏeɣya aḏ d yas. Nhar nni aḏ d yawi ȓefna n ijennaṯen s ṯmessi, aḏ twamḥan marra iṯran ḏ ṯziri aḏ fesyen xmi ɣa twascemḍen.

1 Yuḥanna 4:17

Ammu iy ṯejjiwen zzayneɣ ȓemḥibbeṯ nnes ḥima aɣarneɣ ṯiȓi ijjen n zƹameṯ ḏi Yum Lḥisab ḏ Lƹiqab. Ȓaḥeqqac ḏi ddunect-a am Ƹisa am neccin.

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

Lwaḥi 17:11

Ȓwaḥc nni iy tuɣa iǧan, ȓexxu war iǧi ca, netta ḏ wis ṯmenya netta ƹaweḏ ḏ ijjen zi sebƹa nni qa iggur aḏ itwahḏem.

Lwaḥi 17:8

Ȓwaḥc nni iy ṯeẓriḏ tuɣa iǧa, ȓexxu war iǧi ca, ƹȓayen aḏ d igaƹƹeḏ zi ȓaǧeɣ bȓa ȓaḥedd aḏ itwahḏem. Imezḏaɣ n ṯmurṯ xmi ɣa ẓren ȓwaḥc nni ataf aḏ dehcen iƹni kuȓ ijjen isem nnes war izemmem ca zeg wami ṯeǧa ddunect ḏi Lkitab n Ṯuḏarṯ. Ȓaḥeqqac ȓwaḥc nni tuɣa iǧa, ȓexxu war iǧi ca, ƹaḏ aḏ d yas.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.

Lwaḥi 21:1

Ẓriɣ ijjen n ujenna ḏ jḏiḏ ḏ ijjen n ṯmurṯ ḏ jḏiḏ, ȓaḥeqqac ajenna amezwaru ḏ ṯmurṯ ṯamezwarut ṣafi twakksen, ȓebḥar war iqqim ca.