2 Buṭrus 3:2 - Ṯarifiṯ 2020

² Xseɣ aḏ tƹeqȓem x wawaȓen nni tuɣa nnan ḏi zman lʼanbiya ṣṣaliḥin; xseɣ aḏ tƹeqȓem ƹaweḏ x ȓuṣiyeṯ nni n Umsenjem nneɣ ḏ Siḏiṯneɣ iƹni ṯenni iy ḏawem d immucen s uqemmum n arrusul nwem.

2 Buṭrus 3:2 ပူးပေါင်းရင်းမြစ်များ

Luqa 1:70

Manaya issiweȓ s yiȓesawen n lʼanbiya ṣṣaliḥin aṭṭas zeg wami,

Luqa 24:27

Ḏinni ibḏa-yasen Ƹisa zi Ccariƹa n Musa ḏ Lkutub n marra lʼanbiya isefhem-iṯen min xas yurin ḏi marra Lkutub nni.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 3:18

Ammu ikemmeȓ wawaȓ nnes iy inna Arebbi i marra lʼanbiya zi qbeȓ, iƹni itxeṣṣa Lmasiḥ nnes aḏ itwaƹeddeb.

Ȓexḏayem 3:21

Itxeṣṣa netta aḏ iqqim ḏeg ujenna aȓ ȓweqṯ iy ḏi ɣa itwaƹḏeȓ kuȓci ƹlaḥsab awaȓen n lʼanbiya ṣṣaliḥin iy ḏasen inna Arebbi ḏeg yijjen n zman.

Ayṯ-Galaṭya 6:2

Arbuṯ dqeȓ ag wayawya, s manaya aḏ teggem ȓuṣiyeṯ nni n Lmasiḥ.

Ayṯ-Ufasus 2:20

Ṯaddarṯ-a nettaṯ ṯebna x dsas n yizra iy iǧan ḏ arrusul ḏ lʼanbiya. U Lmasiḥ s yixef nnes aqaṯ ḏ azru nni iy iǧan ḏeg umcan aṣebḥan ḏi ṯɣemmarṯ n dsas nnes.

Ayṯ-Ufasus 3:5

Ȓmaƹna-ya war ṯiḏ ismeḍhar ca Arebbi i ṯarwa n Adam ḏi zmanaṯ iy iƹḏun am mammec ṯiḏ ismeḍhar ȓexxu s Arruḥ iqeddsen i arrusul ṣṣaliḥin ak lʼanbiya.

1 Timutawus 6:14

Tegg s ȓuṣiyeṯ-a bȓa ȓƹib bȓa ca n uxciw aȓ d ɣa imeḍhar Siḏiṯneɣ Ƹisa Lmasiḥ.

2 Buṭrus 2:21

Maƹlik tuɣa ƹemmarṣ war ssinen ca ȓuṣiyeṯ nni n ȓḥaqq iȓi ḥsen zi meȓa ssnen-t, ssenni semḥen ḏi ȓuṣiyeṯ-a ṯamqeddest iy ḏasen d immucen zi qbeȓ.

2 Buṭrus 3:15

Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.

2 Buṭrus 3:16

Itari manaya ḏi marra ṯibraṯin nnes issawaȓ x ṯmesȓayin-a. Ḏi ṯebraṯin nnes ḏinni ca n ṯmesȓayin qesḥent aṯent ṯfehmem. Ṯimesȓayin nni sƹewwajen-ṯent can yiwḏan iqefȓen war tejhiḏen ca ḏi lʼiman nsen, wa amenni ƹaweḏ iy teggen i Lkutub nneɣni. Sxeddamen manaya i ȓefna nsen.

1 Yuḥanna 4:6

Neccin zi Arebbi iy neǧa. Wenni issnen Arebbi itṣennaṭ-aneɣ. Wenni war iǧin ca zi Arebbi war ḏaneɣ itṣenniṭ ca. S manaya iy ɣa nessen Arruḥ n lḥaqiqa ḏ arruḥ n ixarriqen.

Yahuḏa 1:17

Fa kenniw ay imƹizzen inu, fekkareṯ min tuɣa qqaren zi qbeȓ arrusul n Siḏiṯneɣ Ƹisa Lmasiḥ.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."