2 Buṭrus 3:17 - Ṯarifiṯ 2020

¹⁷ Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

2 Buṭrus 3:17 ပူးပေါင်းရင်းမြစ်များ

Matta 16:11

Mammec ṯeggim war ṯefhimem? Nec war ssiwiȓeɣ ca x uɣrum. Ḥḍam ixef nwem zeg untun n lʼaḥzab n iṣadduqiyen ḏ ifarrisiyen."

Matta 16:6

Inna-asen Ƹisa: "Ɣarwem! Ḥḍam ixef nwem zeg untun n lʼaḥzab n ifarrisiyen ḏ iṣadduqiyen."

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Yuḥanna 16:4

Qa nniɣ-awem ṯimesȓayin-a ȓexxu bac meȓmi d ɣa ṯas ȓweqṯ, aḏ tƹaqȓem belli nniɣ-awem-ṯent nec. Ḏeg umezwaru war ḏawem nniɣ ca ṯimesȓayin-a minzi nec aqayi akiḏwem.

Ȓexḏayem 2:42

Ȓmuminin ȓebda tesȓan i ttaƹlim n arrusul, tmunen ag wayawya am wawmaṯen, tetten aɣrum ag wayawya, tẓaǧan.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

1 Ayṯ-Kurinṯ 10:12

S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes.

1 Ayṯ-Kurinṯ 15:58

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

Ayṯ-Galaṭya 5:4

Kenniw iy irezzun ṣṣulḥ s ccariƹa nni ak Arebbi, aqa ṯetwaḥarrmem zi Lmasiḥ ṯbeƹƹḏem x arḍa nnes.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Filippas 3:2

Ḥḍam ixef nwem zeg iqzinen nni, iƹni iryazen nni iteggen ccarr itḥejjamen i bnaḏem.

Ayṯ-Kulus 2:5

Nec waxxa war ǧiɣ ca akiḏwem s ddat inu aqayi akiḏwem s arruḥ inu, farrḥeɣ nec xmi twaȓiɣ lƹibada nwem nican teggem-t ṯa s ṯa u mecḥaȓ iy tbeddam ḏi lʼiman nwem ḏi Lmasiḥ.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

2 Timutawus 4:15

Uȓa ḏ cek ḥḍa ixef nnec zzayes minzi netta itƹarraḍ aṭṭas i min netbeccar.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

1 Buṭrus 5:9

Ƹarrḍem-as i Ibȓis, beddem nican x dsas n lʼiman nwem minzi ṯessnem belli ayṯmaṯwem ḏi marra ddunect-a aqa twaƹeddaben am kenniw.

2 Buṭrus 2:7

Isenjem Arebbi ɣir Luṭ netta ḏ ijjen n bnaḏem iy iǧan nican ṯesxeyyaq-iṯ ȓeqbaḥeṯ n lmufsidin.

2 Buṭrus 3:1

Ay imƹizzen inu, ṯabrat-a ḏ wis ṯnayen ȓexxu iy ḏawem d uriɣ. S ṯnayen iḏsent sfekkareɣ-kenniw tcejjaƹeɣ-kenniw s ȓaƹquȓaṯ nwem aḏ tiȓim ṯeṣfam.

Lwaḥi 2:5

Fekkar mecḥaȓ ṯɣelṭeḏ, tub, egg ȓexḏayem nnec ṯimezwura. Meȓa ṯugiḏ aḏ tubeḏ, aḏ d aseɣ ɣarek aḏ ysiɣ ȓqendiȓ nnec zeg umcan nnes.