2 Buṭrus 3:16 - Ṯarifiṯ 2020

¹⁶ Itari manaya ḏi marra ṯibraṯin nnes issawaȓ x ṯmesȓayin-a. Ḏi ṯebraṯin nnes ḏinni ca n ṯmesȓayin qesḥent aṯent ṯfehmem. Ṯimesȓayin nni sƹewwajen-ṯent can yiwḏan iqefȓen war tejhiḏen ca ḏi lʼiman nsen, wa amenni ƹaweḏ iy teggen i Lkutub nneɣni. Sxeddamen manaya i ȓefna nsen.

2 Buṭrus 3:16 ပူးပေါင်းရင်းမြစ်များ

Matta 15:3

Indeq-d Ƹisa inna-asen: "Iwa mayemmi kenniw ṯbeṭṭaȓem ȓuṣiyeṯ n Arebbi ḥima aḏ tesxeḏmem lƹadaṯ nwem?

Matta 22:29

Indeq-d Ƹisa inna-asen: "Kenniw ṯexḍam ȓaḥeqqac war ṯessinem ca Lkitab uȓa ḏ jjheḏ n Arebbi.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

Iƹibraniyen 5:11

Ƹaḏ nzemmar a nini aṭṭas x ṯmesȓayin-a walakin iqseḥ akenniw nsefhem. Mayemmi? Liʼanna kenniw ṯḏeqȓem aḏ tfehmem.

Yaƹqub 1:8

Itcekka, kuȓ ȓaƹqeȓ nnes min ḏas iqqar menbaƹd itḏewwax ḏeg ibriḏen nnes marra.

1 Buṭrus 1:1

Nec ḏ Buṭrus ḏ arrasul n Ƹisa Lmasiḥ. Tsekkiɣ-d ṯabrat-a i yinni ig ixḍar Arebbi iy iǧan ḏ iƹezzaben itemzeǧaƹen ḏi lʼiqlim n Punṭus ḏ lʼiqlim n Galaṭya ḏ lʼiqlim n Kafadusya ḏ lʼiqlim n Asya ḏ lʼiqlim n Biṯanya.

1 Buṭrus 2:8

U ƹaweḏ iqqar: Qa tenqȓaḍen ḏayes minzi ƹeṣṣan awaȓ nnes, amenni iy xasen yura.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

2 Buṭrus 2:14

Ṯiṭṭawin nsen ɣir xezzarent ḏi zzna, war tjiwinent ca s ȓmuƹṣiyaṯ. Niṯni tḥeǧaqen-d yinni war itejhiḏen ca ḏi lʼiman, uȓawen nsen trinaren ḏi ṭṭmaƹ. Niṯni ḏ ṯarwa n nnaƹȓeṯ.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

2 Buṭrus 3:2

Xseɣ aḏ tƹeqȓem x wawaȓen nni tuɣa nnan ḏi zman lʼanbiya ṣṣaliḥin; xseɣ aḏ tƹeqȓem ƹaweḏ x ȓuṣiyeṯ nni n Umsenjem nneɣ ḏ Siḏiṯneɣ iƹni ṯenni iy ḏawem d immucen s uqemmum n arrusul nwem.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.