2 Buṭrus 3:15 - Ṯarifiṯ 2020

¹⁵ Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.

2 Buṭrus 3:15 ပူးပေါင်းရင်းမြစ်များ

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Ȓexḏayem 15:25

Neccin marra ntafeq, nixḍar can n iryazen aṯen d nessekk ɣarwem ak imƹizzen nneɣ Barnaba ḏ Bulus.

Ȓexḏayem 7:10

ifekk-iṯ zi marra tamara nnes. Yuca-as lḥikma, isƹizz-iṯ ɣar Firƹun iƹni azeǧiḏ n Miṣra. Iggi-ṯ Firƹun aḏ iḥkem x Miṣra ḏ ȓeqṣar nnes ikmaȓ.

Ȓexḏayem 9:17

Iruḥ Anas yuḏef ṯaddarṯ nni isers ifassen nnes x Cawul inna-as: "Ay uma Cawul, nec qa issekk-ayi-d Siḏiṯneɣ Ƹisa, wenni iy ḏac d imeḍharen ḏeg ubriḏ nni iy d ṯuwiḏ. Issekk-ayi-d ɣarek ḥima aḏ tḏewȓeḏ twaȓiḏ aḏ teccareḏ s Arruḥ iqeddsen."

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

1 Ayṯ-Kurinṯ 2:13

Nsawaḍ manaya s wawaȓen iy war ṯen ṯseȓmiḏ ca ȓefhameṯ n bnaḏem; Lla, nessawaḍ-iṯ s wawaȓen ig iseȓmaḏ Arruḥ n Arebbi. Awaȓen-a tcarraḥen lḥaqiqaṯ ruḥiyaṯ i yinni umi ɣar iǧa Arruḥ n Arebbi.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

Ayṯ-Ufasus 3:3

Iƹni ȓmaƹna inuffaren x Lʼinjil ismeḍhar-ayi-iṯ-iḏ isehwa-ṯ-iḏ xafi s lwaḥi mamc ḏawem t uriɣ cwayt zi qbeȓ.

1 Timutawus 1:16

Wami nec ḏ lƹaṣi ḏ ameqqran xasen marra iseḍhar-ayi-d Arebbi arraḥmeṯ nnes bac Ƹisa Lmasiḥ azzayi d ismeḍhar marra ṣṣbar nnes aḏ yiȓi manaya ḏ ijjen n lmiṯal i yinni iy zzayes ɣa yamnen aɣarsen ṯiȓi ṯuḏarṯ n ȓebda.

Yaƹqub 1:5

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

1 Buṭrus 3:20

Mayemmi? Liʼanna mecḥaȓ zeg wami ḏi zman n Nuḥ ugin yiwḏan-a aḏ ggen array i Arebbi wami ṯen tuɣa itraja s ṣṣbar itṣennaƹ aɣarrabu n Nuḥ. Ḏeg uɣarrabu-ya ḏrust n yiwḏan ṯmenya waha kkin x waman nni nejmen.

2 Buṭrus 3:2

Xseɣ aḏ tƹeqȓem x wawaȓen nni tuɣa nnan ḏi zman lʼanbiya ṣṣaliḥin; xseɣ aḏ tƹeqȓem ƹaweḏ x ȓuṣiyeṯ nni n Umsenjem nneɣ ḏ Siḏiṯneɣ iƹni ṯenni iy ḏawem d immucen s uqemmum n arrusul nwem.

2 Buṭrus 3:9

Siḏiṯneɣ war iḏqiȓ ca aḏ isexḏem lwaƹed nnes am mammec iy ḏasen itɣiȓ i yiwḏan. Lla, netta iṣebbar akiḏwem war ixes ca uȓa ḏ ijjen zzaywem aḏ ifna, irezzu marra iwḏan aḏ tuben.