2 Buṭrus 3:12 - Ṯarifiṯ 2020

¹² xmi trajam i Lyuwm n Arebbi aṯ tseggurem bac ḏeɣya aḏ d yas. Nhar nni aḏ d yawi ȓefna n ijennaṯen s ṯmessi, aḏ twamḥan marra iṯran ḏ ṯziri aḏ fesyen xmi ɣa twascemḍen.

2 Buṭrus 3:12 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Ayṯ-Filippas 1:6

Nec aqayi mteyyqen ḏi ṯmesȓayṯ-a: Wenni ig ibḏan ḏaywem ca n ccɣeȓ ḏ aṣebḥan axas itsiɣi axas itkemmaȓ ḥetta aȓ Nhar nni n Ƹisa Lmasiḥ.

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

2 Buṭrus 3:10

Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

2 Buṭrus 3:11

Meȓa amenni iy ɣa twamḥant marra ṯimesȓayin-a, mammec iy ɣa ṯiȓi ṯuḏarṯ nwem? Iwa u labud aḏ tƹicem s yijjen n ṯuḏarṯ ṯeṣfa aḏ ṭaƹem i Arebbi

2 Buṭrus 3:4

Aḏawem qqaren qa netta iwƹeḏ aḏ d iḏweȓ, hiwa mani iǧa? Qa zeg wami ṭṭṣen ȓejḏuḏ nneɣ ṣṣaliḥin ḏi ȓmewṯ qaƹ ṯimesȓayin-a ggurent mamc tuɣa ggurent wami d ṯexȓeq ddunect.

2 Buṭrus 3:7

Ȓexxu ƹaweḏ s ȓuṣiyeṯ nnes twaxemmȓen ijennaṯen ḏ ṯmurṯ ḏi ȓweqṯ-a i ṯmessi, aqa twassewjaḏen i Yum Lḥisab ḏ Lƹiqab aḏ sefnan yinni war itṭiƹin ca i Arebbi.

Yahuḏa 1:21

Itxeṣṣa aḏ teqqimem ḏi ȓemḥibbeṯ n Arebbi aḏ trajam arraḥmeṯ nni n Siḏiṯneɣ Ƹisa Lmasiḥ ṯenni iy kenniw itawin ɣar ṯuḏarṯ nni war ifennin ca ƹemmarṣ.