2 Buṭrus 3:11 - Ṯarifiṯ 2020

¹¹ Meȓa amenni iy ɣa twamḥant marra ṯimesȓayin-a, mammec iy ɣa ṯiȓi ṯuḏarṯ nwem? Iwa u labud aḏ tƹicem s yijjen n ṯuḏarṯ ṯeṣfa aḏ ṭaƹem i Arebbi

2 Buṭrus 3:11 ပူးပေါင်းရင်းမြစ်များ

Matta 8:27

Qqimen iryazen nni tƹejjben ḏayes nnan: "Min iƹna wanitan? Uȓa ḏ arriḥ ḏ ȓebḥar tṭaƹan-as!"

Ayṯ-Ruma 13:11

Mayemmi manaya? Kenniw ṯessnem man ȓweqṯ iy ḏi neǧa neccin. Ṯuweḍ-d ṯsaƹƹat ḥima aḏ tfaqem zeg yiḍeṣ. Liʼanna ṯsaƹƹat-a iy ḏi ɣa nenjem ȓexxu aqa ṯqarreb-d ktar zi ṯenni iy ḏi numen ḏ amezwaru.

Ayṯ-Ruma 13:12

Ǧiȓeṯ aqa ṯeƹḏu, nhar aqa yuweḍ-d. X manaya labud a nekkes ȓeḥwayej n ṯaǧest, a negg arruḍ n nnur n ȓeḥḏiḏ.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Filippas 3:20

Neccin lla, ljinsiya nneɣ aqat ḏeg ujenna. Ssenni iy d ɣa yas wenni iy netraja iy ḏaneɣ ɣa isnejmen iƹni Siḏiṯneɣ Ƹisa Lmasiḥ.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

1 Timutawus 6:3

Meȓa can uryaz iseȓmeḏ can ȓḥajeṯ nneɣni war itifiq ca ak wawaȓen nican n Siḏiṯneɣ Ƹisa Lmasiḥ ḏ ttaƹlim x lʼiman,

1 Timutawus 6:6

Fa lʼiman iy ḏi ṯeǧa ȓeqnaƹeṯ netta ḏ ijjen n arbaḥ ḏ ameqqran.

Iƹibraniyen 13:5

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.

Yaƹqub 3:13

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

1 Buṭrus 1:15

Lla, itxeṣṣa aḏ tiȓim ṯeṣfam ḏi marra min teggem am mammec iṣfa Arebbi wenni iy ḏawem d iȓaɣan.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

2 Buṭrus 1:3

Aqa ṯizemmar nnes yuƹȓan ṯuca-aneɣ-d qaƹ min neḥḏaj ƹlaḥsab ṯuḏarṯ ḏ ṭṭaƹa nneɣ i Arebbi. Manaya minzi nessen wenni ḏaneɣ d iȓaɣan ɣar lƹaḍama nnes ḏ ṯuṣubḥant nnes.

2 Buṭrus 1:6

u ƹaweḏ arnim ȓeḥkam x yixef nwem ak ṯusna-ya nwem; u ƹaweḏ arnim ṭṭaƹa i Arebbi ak ȓeḥkam-a x yixef nwem;

2 Buṭrus 3:10

Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

2 Buṭrus 3:12

xmi trajam i Lyuwm n Arebbi aṯ tseggurem bac ḏeɣya aḏ d yas. Nhar nni aḏ d yawi ȓefna n ijennaṯen s ṯmessi, aḏ twamḥan marra iṯran ḏ ṯziri aḏ fesyen xmi ɣa twascemḍen.