2 Buṭrus 3:10 - Ṯarifiṯ 2020

¹⁰ Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

2 Buṭrus 3:10 ပူးပေါင်းရင်းမြစ်များ

Matta 24:35

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Marqus 13:31

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Luqa 12:39

Itxeṣṣa-awem aḏ tessnem manaya: Mȓi bab n ṯeddarṯ issen ṯsaƹƹat iy ḏi d ɣa yas uceffar, iȓi war ṯ itijji ca aḏ d yaḏef ṯaddarṯ nnes.

Ayṯ-Ruma 8:20

Liʼanna marra min d itwaxeȓqen nṣaben s lfacal. Walakin maci s array nsen, s array n wenni iy ṯen iṣaben. U manayenni ḏi lʼamal.

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

1 Ayṯ-Kurinṯ 5:5

aḏ tsufɣem aryaz-a ɣar Cciṭan ḥima aḏ tefna ṭṭabiƹa ṯaƹeffant n nnefs nnes aḏ injem arruḥ nnes ḏi Yum n Siḏiṯneɣ.

1 Ayṯ-Salunik 5:2

Aqa ṯessnem mliḥ belli Yum n Siḏiṯneɣ aḏ d yas am d yusa ij uceffar s ǧiȓeṯ.

1 Ayṯ-Salunik 5:4

Walakin kenniw ay ayṯma, war ṯeǧim ca ḏi ṯaǧest bac Yum nni axawem d ixḍeȓ am yij uceffar.

2 Buṭrus 3:11

Meȓa amenni iy ɣa twamḥant marra ṯimesȓayin-a, mammec iy ɣa ṯiȓi ṯuḏarṯ nwem? Iwa u labud aḏ tƹicem s yijjen n ṯuḏarṯ ṯeṣfa aḏ ṭaƹem i Arebbi

2 Buṭrus 3:12

xmi trajam i Lyuwm n Arebbi aṯ tseggurem bac ḏeɣya aḏ d yas. Nhar nni aḏ d yawi ȓefna n ijennaṯen s ṯmessi, aḏ twamḥan marra iṯran ḏ ṯziri aḏ fesyen xmi ɣa twascemḍen.

2 Buṭrus 3:7

Ȓexxu ƹaweḏ s ȓuṣiyeṯ nnes twaxemmȓen ijennaṯen ḏ ṯmurṯ ḏi ȓweqṯ-a i ṯmessi, aqa twassewjaḏen i Yum Lḥisab ḏ Lƹiqab aḏ sefnan yinni war itṭiƹin ca i Arebbi.

Yahuḏa 1:6

Ammu ƹaweḏ iweqƹen i lmalaʼikaṯ nni iy yugin aḏ qqiment ḏi lmarṭaba nsent n ssulṭa semḥent ƹaweḏ ḏi ṯzeddiɣṯ nsent. Min ḏasent igga? Iqqen-iṯent s snaseȓ nni war ifennin ca ƹemmarṣ, ibelleƹ xasent ḏeg yijjen n ṯaǧest ḏ ṯabercant aȓ Lƹiqab n Nhar nni Ameqqran.

Lwaḥi 16:15

("Ṣennṭeṯ, qa nec aḏ d aseɣ am d yusa ij uceffar. Ssaƹḏ n wenni iy ɣa yiȓin ƹlabal aḏ iḥḍa arruḍ nnes ḥima war iggur ca ḏ aƹeryan aḏ ẓren yiwḏan ṯuƹaryant nnes.")

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.

Lwaḥi 21:1

Ẓriɣ ijjen n ujenna ḏ jḏiḏ ḏ ijjen n ṯmurṯ ḏ jḏiḏ, ȓaḥeqqac ajenna amezwaru ḏ ṯmurṯ ṯamezwarut ṣafi twakksen, ȓebḥar war iqqim ca.

Lwaḥi 3:3

Ƹqeȓ x ttaƹlim iy ṯqebȓeḏ wami ḏas ṯesȓiḏ. Xḏem zzayes, tub. Meȓa war ṯeǧiḏ ca ƹlabal, nec aɣarek d aseɣ am yij uceffar war ṯessineḏ ca man ṯsaƹƹat iy d ɣa aseɣ.

Lwaḥi 6:14

Ajenna inejmeƹ am mammec itwabelleƹ ijjen n lkitab. Iḏurar ḏ ṯeyzirin marra nhezzent zeg umcan nsent.