2 Buṭrus 2:4 - Ṯarifiṯ 2020

⁴ Iwa cuf, qa Arebbi war iḥinn ca x lmalaʼikaṯ wami ṯ ƹṣant, iruḥ iqenn-iṯent s snaseȓ inḍar-iṯent ḏeg yijjen n ṯaǧest ḏ ṯabercant ḏi lʼaxira mani ɣa rajant Yum Lḥisab ḏ Lƹiqab.

2 Buṭrus 2:4 ပူးပေါင်းရင်းမြစ်များ

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 8:29

Ƹeyyḍen nnan-as: "Min ṯexseḏ zzayneɣ a Mmis n Arebbi? Ma ṯusiḏ-d aḏaneɣ ṯƹeddbeḏ qbeȓ i ȓweqṯ?"

Marqus 5:7

Indeq-d s yijjen n ṯmijja ṯejheḏ inna-as: "A Ƹisa a Mmis n Arebbi yuƹȓan, min ṯexseḏ zzayi? Tettareɣ zzayek i Arebbi ḥima war ḏayi tƹeddibeḏ ca!"

Luqa 10:18

Inna-asen Ƹisa: "Tuɣa twaȓiɣ Cciṭan iwḍa-d zeg ujenna mamc d iweṭṭa ȓbarq.

Luqa 8:31

Ḥeccmen-ṯ aṭṭas jnun nni ḥima war ṯen itsekki ca ɣar wanu bȓa ȓaḥedd.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ayṯ-Ruma 11:21

Iwa, meȓa Arebbi tuɣa war iḥinn ca ḏi ȓefruƹ n lʼaṣel, uȓa ḏ cek war ḏayek itḥinni ca.

Ayṯ-Ruma 8:32

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

2 Buṭrus 2:11

Qa lmalaʼikaṯ waxxa ɣarsent jjheḏ ḏ ṯzemmar ktar zeg iṯarrasen-a, walakin tagint aṯen tahment s wawaȓen war iḥȓin zzaṯ i Mawlana.

2 Buṭrus 2:5

War iḥinn ca ƹaweḏ x ddunect-a n zman aqḏim wami xasen d isehwa ijjen n ṭṭufan n waman x yinni war ḏas itṭiƹin ca. Tuɣa iḥḍa ɣir Nuḥ wenni itbeccaren s ȓḥaqq ḏ yijjen n sebƹa akiḏes.

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Yahuḏa 1:13

Niṯni ggin am ȓemwaj n ȓebḥar ccaṯent s ȓefḍiḥeṯ n ukuffu nsent. Niṯni ggin am can iṯran iffɣen zeg umcan nsen gguren ɣar yijjen n ṯaǧest ḏ ṯabercant ig itwaswejḏen i ȓebda n ȓebdaṯ.

Yahuḏa 1:6

Ammu ƹaweḏ iweqƹen i lmalaʼikaṯ nni iy yugin aḏ qqiment ḏi lmarṭaba nsent n ssulṭa semḥent ƹaweḏ ḏi ṯzeddiɣṯ nsent. Min ḏasent igga? Iqqen-iṯent s snaseȓ nni war ifennin ca ƹemmarṣ, ibelleƹ xasent ḏeg yijjen n ṯaǧest ḏ ṯabercant aȓ Lƹiqab n Nhar nni Ameqqran.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.