2 Buṭrus 2:21 - Ṯarifiṯ 2020

²¹ Maƹlik tuɣa ƹemmarṣ war ssinen ca ȓuṣiyeṯ nni n ȓḥaqq iȓi ḥsen zi meȓa ssnen-t, ssenni semḥen ḏi ȓuṣiyeṯ-a ṯamqeddest iy ḏasen d immucen zi qbeȓ.

2 Buṭrus 2:21 ပူးပေါင်းရင်းမြစ်များ

Matta 21:32

Ȓaḥeqqac yusa-d ɣarwem Yaḥya iseḍhar-awem-d abriḏ n ȓḥaqq, war zzayes ṯuminem ca. Walakin iƹeccaren ḏ ṯemɣarin iffɣen abriḏ umnen zzayes. Kenniw ṯeẓrim manayenni, walakin war tubem ca ḥima azzayes ṯamnem."

Luqa 12:47

Aweqqaf nni netta issen min irezzu siḏes walakin war isewjiḏ ca i siḏes war itegg ca min irezzu siḏes, ataf aḏ itwaƹaqeb aṭṭas.

Yuḥanna 15:22

Maƹlik war d usiɣ ssiwȓeɣ akiḏsen, ataf war ɣarsen bu ȓmuƹṣiyeṯ. Walakin ȓexxu war ɣarsen bu lƹuder x ȓmuƹṣiyeṯ nsen.

Yuḥanna 9:41

Inna-asen Ƹisa: "Maƹlik ḏ iḍarɣaȓen iy ṯeǧam, ataf war ḏaywem bu ȓmuƹṣiyeṯ. Walakin kenniw ȓexxu ṯeqqarem neccin netwaȓa. X manayenni ƹaḏ ḏaywem ȓmuƹṣiyeṯ."

Ayṯ-Ruma 7:12

S manaya ccariƹa n Musa ṯeṣfa, ȓuṣiyeṯ n Arebbi ṯeṣfa, ṯeṣȓaḥ, ṯeṣbaḥ.

Ayṯ-Galaṭya 6:2

Arbuṯ dqeȓ ag wayawya, s manaya aḏ teggem ȓuṣiyeṯ nni n Lmasiḥ.

1 Ayṯ-Salunik 4:2

Cuf, ṯessnem ṯimesȓayin nni iy zi kenniw nweṣṣa s ssulṭa n Ƹisa Lmasiḥ.

1 Timutawus 6:14

Tegg s ȓuṣiyeṯ-a bȓa ȓƹib bȓa ca n uxciw aȓ d ɣa imeḍhar Siḏiṯneɣ Ƹisa Lmasiḥ.

Iƹibraniyen 10:26

Cuf, neccin meȓa netƹic s ȓmuƹṣiyeṯ s ȓxaḍar nneɣ u nessen lḥaqiqa, ataf war ɣarneɣ bu can dbiḥeṯ aḏ tekkes ȓmuƹṣiyeṯ nneɣ.

Yaƹqub 4:17

Wenni itwaȓen can n ȓxir aṯ igg, meȓa war ṯ iggi ca itwaḥsab-as ḏ ȓmuƹṣiyeṯ.

2 Buṭrus 3:2

Xseɣ aḏ tƹeqȓem x wawaȓen nni tuɣa nnan ḏi zman lʼanbiya ṣṣaliḥin; xseɣ aḏ tƹeqȓem ƹaweḏ x ȓuṣiyeṯ nni n Umsenjem nneɣ ḏ Siḏiṯneɣ iƹni ṯenni iy ḏawem d immucen s uqemmum n arrusul nwem.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.