2 Buṭrus 2:2 - Ṯarifiṯ 2020

² Aṭṭas iy ɣa iqellden ȓeqbaḥeṯ nsen. X ssabab-a wanitan iwḏan aḏ zebbȓen ḏeg ubriḏ n lḥaqiqa.

2 Buṭrus 2:2 ပူးပေါင်းရင်းမြစ်များ

Matta 22:16

Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic.

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 7:14

Walakin ṯawwarṯ iḥṣaren ḏ ubriḏ iqesḥen niṯni tawin ɣar ṯuḏarṯ. Ḏrus iy ɣa iƹḏun ssenni.

Marqus 12:14

Wami d usin ɣar Ƹisa nnan-as: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic. Ini-yaneɣ: Ma ṯsemmeḥ ccariƹa nneɣ a nxeǧes ḍḍariba i uzeǧiḏ Qayṣar niɣ lla? Ma ḏas t nxeǧes niɣ lla?"

Marqus 13:22

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Ȓexḏayem 13:10

Inna-as: "Cek ḏ mmis n Ibȓis. Cek ḏ ȓaƹḏu n qaƹ min iǧan nican, ṯeccureḏ s lḥila ḏ ṯeḥraymect! Ma ƹaḏ ṯrezzuḏ aḏ tƹewwjeḏ ibriḏen iy iǧan nican n Siḏi Arebbi?

Ȓexḏayem 14:2

Walakin israʼiliyen iy yugin aḏ amnen samaren yinni war iǧin ca zi Ayṯ-Israʼil x ayṯmaṯneɣ, ƹemmaren-asen azeǧif.

Ȓexḏayem 16:17

Tbaƹ-aneɣ-d neccin ḏ Bulus tƹeyyaḍ ṯeqqar qa iryazen-a ƹebbḏen Arebbi Yuƹȓan, tbeccaren-kenniw s ubriḏ iy zi ɣa ṯnejmem!

Ȓexḏayem 18:26

Ibḏa issawaȓ ḏi ṯemziḏa n Ayṯ-Israʼil s zƹameṯ. Sȓin-as Priskila ḏ Wakilas, uwin-ṯ akiḏsen ɣar ṯeddarṯ nsen bḏan sfehhamen-ṯ ḥsen x ubriḏ n Arebbi.

Ȓexḏayem 19:9

Ȓebƹaḍ zzaysen ṭṭfen akiḏes ṯaɣennant ugin aḏ amnen, tukkaren ḏi ttaƹlim n Siḏiṯneɣ zzaṯ i yiwḏan. Ssenni iffeɣ-d Bulus zi ṯemziḏa nni yuwi akiḏes imeḥḍaren nnes, kuȓ nhar iseȓmaḏ-iṯen ḏi lmarkez n Tirannus.

Ȓexḏayem 22:4

Nec tuɣa tƹeddabeɣ yinni iḏfaren abriḏ-a ḥetta wami mmuṯen. Ṭṭfeɣ iryazen ḏ ṯemɣarin ggiɣ-ṯen ḏi ȓeḥbes.

Ȓexḏayem 24:14

Walakin qqareɣ-ac nec taƹtarafeɣ zzaṯec ƹebbḏeɣ Arebbi n ȓejḏuḏ nneɣ ƹlaḥsab abriḏ-a iy ḥessben niṯni zaƹma ḏ lbidƹa. Tamneɣ s marra min itafaqen ak ccariƹa ḏ min d yurin ḏi Lkutub n lʼanbiya.

Ayṯ-Ruma 2:24

Aqa mammec iqqar Lkitab:

1 Timutawus 5:14

Iḏen, xseɣ ṯajjaȓin ṯimezyanin aḏ meȓcent aḏ d jjent iḥenjiren aḏ sugurent ṯaddarṯ nsent mliḥ war tejjint bu can lfurṣa i ȓaƹḏu axasent issiweȓ s ȓƹib.

Titus 2:5

aḏ ḥekment x ṯnefsiyṯ nsent aḏ iȓint ṣfant, aḏ ggent ccɣeȓ ḏi ṯeddarṯ nsent, aɣarsent yiȓi wuȓ ḏ acemȓaȓ, aḏ ṭaƹent i iryazen nsent ḥima awaȓ n Arebbi war itwaƹeyyib ca.

Titus 2:8

ḏ yijjen n wawaȓ ḏ ṣṣaḥ war ḏayes bu ȓƹib. Ammu ac seḏḥan yinni ḏac itƹarraḍen minzi war ɣarsen min xaneɣ ɣa inin.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

2 Buṭrus 2:12

Iṯarrasen-a niṯni qqaren awaȓen war iḥȓin x ṯmesȓayin war fehhmen ca. Niṯni ggin am ȓuḥuc iqefȓen am lḥayawanaṯ iy iǧan s ṭṭabiƹa nsen iwƹaren. Xeȓqen-d iṯarrasen-a bac aḏ twaṭṭfen aḏ twanɣen mammec twaneqqen ȓuḥuc.

2 Buṭrus 2:15

Ffɣen abriḏ nican weddaren, ṭṭfen abriḏ n nnabi Balƹam mmis n Biƹur netta tuɣa iteƹjib-as txaȓus n ccarr.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

2 Buṭrus 2:21

Maƹlik tuɣa ƹemmarṣ war ssinen ca ȓuṣiyeṯ nni n ȓḥaqq iȓi ḥsen zi meȓa ssnen-t, ssenni semḥen ḏi ȓuṣiyeṯ-a ṯamqeddest iy ḏasen d immucen zi qbeȓ.

2 Buṭrus 2:7

Isenjem Arebbi ɣir Luṭ netta ḏ ijjen n bnaḏem iy iǧan nican ṯesxeyyaq-iṯ ȓeqbaḥeṯ n lmufsidin.

Yahuḏa 1:10

Walakin iṯarrasen-a yina ssawaȓen s wawaȓ war iḥȓin x marra min war fehhmen ca. Ṯimesȓayin-a umi fehhmen iwa fehhmen-ṯent s ṭṭabiƹa nsen waha, niṯni ggin am ȓuḥuc iqefȓen. Ṯimesȓayin-a ḏ niṯenti iy ṯen ɣa imḥan!

Yahuḏa 1:15

aḏ iḥaseb marra iwḏan. Marra yinni iƹeṣṣan aḏasen d ismeḍhar marra ȓefƹayeȓ nsen ṯiƹeffanin iy ggin ḏeg ubriḏ nsen aƹeffan, aḏ ssnen ƹaweḏ marra awaȓen nni war iḥȓin iy xas nnan yinni iƹeṣṣan war ḏeffaren ca Arebbi."

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.