2 Buṭrus 2:18 - Ṯarifiṯ 2020

¹⁸ Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

2 Buṭrus 2:18 ပူးပေါင်းရင်းမြစ်များ

Ȓexḏayem 2:40

Iƹȓem-asen Buṭrus aṭṭas iweṣṣa-aṯen inna-asen: "Snejmeṯ ixef nwem zeg yiwḏan n ȓqewṯ-a ḏi ǧan ixarwiḍen."

Ȓexḏayem 8:9

Ḏinni ḏi ṯendint nni ijjen n useḥḥar qqaren-as Simƹan mecḥaȓ zeg wami isxeddam ssḥur. Iseḏhac marra iwḏan n Ayṯ-Samarya, yarra ixef nnes ḏ ameqqran.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

2 Ayṯ-Salunik 2:4

Netta itƹarraḍ i Arebbi isemɣar ixef nnes x marra minxef iǧa isem n Arebbi ḏ min ƹebbḏen yiwḏan ḥetta aḏ iqqim ḏi Ṯemziḏa ṯameqqrant n Arebbi aḏ iƹeyyeḍ aḏ yini qa nec ḏ Arebbi.

Yaƹqub 5:5

Kenniw tƹicem ḏi ddunect-a s ufelles ḏ ccehweṯ nwem. Ṯḏewȓem ṯṣaḥḥem ṯwejḏem am iyenduzen ḏi nhar nni iy ḏi ḏasen ɣa ɣarṣen.

2 Buṭrus 1:4

Ƹlaḥsab ṯimesȓayin-a netta yuca-aneɣ-d lwuƹud nnes imɣaren ig isewwan aṭṭas. Ḥima s lwuƹud-a aḏ tcarcem ḏi ṭṭabiƹa n wenni yuƹȓan wami ṯarewȓem zi min ifennan ḏi ddunect-a ƹlaḥsab ccehawaṯ ṯiƹeffanin.

2 Buṭrus 2:14

Ṯiṭṭawin nsen ɣir xezzarent ḏi zzna, war tjiwinent ca s ȓmuƹṣiyaṯ. Niṯni tḥeǧaqen-d yinni war itejhiḏen ca ḏi lʼiman, uȓawen nsen trinaren ḏi ṭṭmaƹ. Niṯni ḏ ṯarwa n nnaƹȓeṯ.

2 Buṭrus 2:2

Aṭṭas iy ɣa iqellden ȓeqbaḥeṯ nsen. X ssabab-a wanitan iwḏan aḏ zebbȓen ḏeg ubriḏ n lḥaqiqa.

2 Buṭrus 2:20

Cuf, iṯarrasen-a meȓa tuɣa ssnen Siḏiṯneɣ Ƹisa Lmasiḥ arewȓen zi ȓewsex n ddunect-a ssenni ƹaweḏ ƹeqben-d ḥnunnḍen ḏayes iḏweȓ iḥekkem xasen, ataf aneggaru nsen iqseḥ ktar zeg umezwaru nsen.

2 Buṭrus 2:7

Isenjem Arebbi ɣir Luṭ netta ḏ ijjen n bnaḏem iy iǧan nican ṯesxeyyaq-iṯ ȓeqbaḥeṯ n lmufsidin.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

Yahuḏa 1:13

Niṯni ggin am ȓemwaj n ȓebḥar ccaṯent s ȓefḍiḥeṯ n ukuffu nsent. Niṯni ggin am can iṯran iffɣen zeg umcan nsen gguren ɣar yijjen n ṯaǧest ḏ ṯabercant ig itwaswejḏen i ȓebda n ȓebdaṯ.

Lwaḥi 13:11

Ẓriɣ ijjen n ȓwaḥc nneɣni iffeɣ-d zi ṯmurṯ, ɣares ṯnayen n waccawen am waccawen n yizmar walakin netta issaweȓ am ddaynaṣur.