2 Buṭrus 2:13 - Ṯarifiṯ 2020

¹³ Aḏ txaȓasen ƹlaḥsab mamc ggin, aḏ twaḍarrmen mammec ḍarrmen niṯni iwḏan. Meȓa zehhun ḏi ṯfawṯ n uziȓ teḥsaben manaya ḏ aṣebḥan. Niṯni ḏ ixeciwen ḏ ȓƹibaṯ, zehhun s ccehweṯ nsen istwaɣarran xmi tmunsiwen akiḏwem.

2 Buṭrus 2:13 ပူးပေါင်းရင်းမြစ်များ

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

2 Timutawus 4:14

Iskander wenni itṣennaƹen nneḥḥas iḍarr-ayi aṭṭas, aṯ ixeǧes Arebbi x ȓefƹayeȓ nnes.

Yaƹqub 5:5

Kenniw tƹicem ḏi ddunect-a s ufelles ḏ ccehweṯ nwem. Ṯḏewȓem ṯṣaḥḥem ṯwejḏem am iyenduzen ḏi nhar nni iy ḏi ḏasen ɣa ɣarṣen.

1 Buṭrus 4:4

Tƹejjiben niṯni iƹni meȓa kenniw war kiḏsen tiḏfem ca ḏi lfayaḍan n ufelles-a aḏ qqimen ƹaweḏ tzawwaren-kenniw.

2 Buṭrus 2:15

Ffɣen abriḏ nican weddaren, ṭṭfen abriḏ n nnabi Balƹam mmis n Biƹur netta tuɣa iteƹjib-as txaȓus n ccarr.

Lwaḥi 18:6

Arrem-as min ḏawem ṯegga nettaṯ, dublam-as ṯnayen n ṯwaȓaṯin ȓefƹayeȓ nnes. Ȓkas nni iy zi ṯsessew i yiwḏan, sesswem-as-ṯ marrṯayen.