2 Buṭrus 1:7 - Ṯarifiṯ 2020

⁷ u ƹaweḏ arnim ȓxir jar wawmaṯen ak ṭṭaƹa-ya nwem i Arebbi; u ƹaweḏ arnim ȓemḥibbeṯ ak ȓxir-a nwem jar wawmaṯen.

2 Buṭrus 1:7 ပူးပေါင်းရင်းမြစ်များ

Ayṯ-Ruma 12:10

Xseṯ ayawya am ṯawmat. Weqqareṯ ayawya ktar zi jjheḏ.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

Ayṯ-Kulus 3:14

Ktar marra zi ṯmesȓayin-a ṯina itxeṣṣa aḏ tesxeḏmem ȓemḥibbeṯ jarawem minzi ȓemḥibbeṯ-a tas-d am yijjen n usɣun ig ismunen marra ṯimesȓayin-a ḏeg yicten.

1 Ayṯ-Salunik 3:12

Aḏ yarni Siḏiṯneɣ ȓemḥibbeṯ nwem ak wayawya at isfeyyeḍ s waṭṭas ak marra iwḏan am neccin nexs-ikenniw.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

Iƹibraniyen 13:1

Qqimeṯ tḥibbaṯ ayawya am wawmaṯen.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 2:17

Weqqareṯ marra iwḏan. Sƹizzeṯ ayṯmaṯwem. Ggwḏeṯ zi Arebbi. Weqqareṯ azeǧiḏ.

1 Buṭrus 3:8

Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.

1 Yuḥanna 3:14

Neccin nessen belli neẓwa zi ȓmewṯ ɣar ṯuḏarṯ ȓaḥeqqac ntexs ayṯmaṯneɣ. Wenni war itexsen ca ƹaḏ aqaṯ itƹic ḏi ȓmewṯ.

1 Yuḥanna 3:16

S minzi iy ɣa nessen ȓemḥibbeṯ? Minzi Siḏiṯneɣ iṣeddeq xaneɣ ixef nnes. U ammu ƹaweḏ iy ɣa niȓi newjeḏ a nṣeddeq ixef nneɣ x ayṯmaṯneɣ.

1 Yuḥanna 4:21

Iwa aqa ȓuṣiyeṯ iy ḏaneɣ ijja Lmasiḥ iƹni wenni itexsen Arebbi itxeṣṣa-ṯ aḏ ixes uȓa ḏ umas.